NHSJobs.com

Trosolwg o'r swydd

Mae cyfle cyffrous wedi codi o fewn swyddogaeth Tîm Gwasanaethau Caffael, Cadwyn Gyflenwi, Logisteg a Thrafnidiaeth Partneriaeth Cydwasanaethau GIG Cymru i Swyddog Gweinyddu Busnes yn y Gwasanaeth Negesydd Iechyd (HCS). Bydd deiliad y swydd yn bennaf gyfrifol am ddarparu cymorth gweinyddol busnes o ansawdd uchel i’r Gwasanaeth Negesydd Iechyd. Lleoliad y swydd fydd Storfeydd Rhanbarthol y GIG yn Ninbych. 

Prif ddyletswyddau'r swydd

Bydd gan yr ymgeisydd llwyddiannus brofiad blaenorol o weithio mewn swyddogaeth debyg, yn ddelfrydol mewn swyddogaeth Cadwyn Gyflenwi/Trafnidiaeth. Deiliad y swydd fydd y pwynt cyswllt cyntaf ar gyfer tasgau gweinyddol yn y Gwasanaeth Negesydd Iechyd ac ymdrin ag ymholiadau arferol gan gynnwys cofnodi archebion ar Oracle. Bydd deiliad y swydd yn gyfrifol am gael dyfynbrisiau am nwyddau a gwasanaethau gofynnol a gweithio gyda'r tîm Caffael i sicrhau bod nwyddau/gwasanaethau'n cael eu darparu yn ôl yr angen. 

Mae timau wedi'u lleoli ledled Cymru, felly mae sgiliau cyfathrebu da a'r gallu i feithrin perthnasoedd gwaith da yn hanfodol. Bydd deiliad y swydd yn gallu ymateb yn effeithlon ac effeithiol i geisiadau a wneir gan ddefnyddwyr gwasanaeth i gynorthwyo gyda gweithrediad llyfn y gwasanaeth. 

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg wneud cais. 

Gweithio i'n sefydliad

Mae gennym safonau uchel ac rydym yn disgwyl i bawb ymgorffori ein gwerthoedd Gwrando a Dysgu, Gweithio Gyda'n Gilydd, Cymryd Cyfrifoldeb ac Arloesi, tra'n sicrhau bod ymddiriedaeth, gonestrwydd a thosturi yn rhan annatod o bopeth a wnawn. Rydym yn hyblyg, yn ystwyth ac yn ymfalchïo yn y ffaith ein bod yn sefydliad sy’n dysgu, lle mae’n ddiogel gwneud camgymeriadau, lle caiff bai ei ddisodli gan gyfleoedd i ddysgu a gwella. Mae arloesi yn rhan o bopeth a wnawn. Cydnabyddwn ein pobl yn rheolaidd trwy'r Orsaf Werthfawrogi, i annog staff i ganmol ymddygiad rhagorol ymysg ei gilydd ac fe gynhelir seremoni Gwobrau Cydnabyddiaeth Staff Blynyddol sy'n cyd-fynd â'n gwerthoedd. Rydym yn parchu ac yn gwerthfawrogi ein pobl ac yn ymdrechu i greu diwylliant o dosturi a chynwysoldeb. Rydym yn sefydliad dwyieithog sydd â thîm o Hyrwyddwyr Newid sy’n hyrwyddo ‘Dyma Ein PCGC’ ein prif raglen newid. Yn yr un modd, BALCH yw ein rhwydwaith staff newydd sy’n croesawu cydweithwyr a chynghreiriaid LHDT+ i ddod ynghyd mewn man diogel i gael trafodaethau, i gynllunio digwyddiadau ac i gael y cyfle i adeiladu rhwydweithiau cefnogol. Mae gennym becyn buddion cynhwysfawr lle mae rhywbeth at ddant pawb. Mae’n cefnogi iechyd, ymgysylltiad a lles ac mae’n cynnwys Rhaglen Cymorth i Weithwyr. Mae gennym dros 30 o Swyddogion Cymorth Cyntaf Iechyd Meddwl ac rydym yn gweithio mewn partneriaeth â sefydliadau lleol a chenedlaethol i sicrhau llesiant a gwydnwch ein pobl.