NHSJobs.com

Trosolwg o'r swydd

Mae cyfle cyffrous wedi dod ar gael i weithio'n llawn neu'n rhan amser mewn uned asesu oedolion hŷn wedi'i lleoli ar ward Enlli yn Ysbyty Cyffredinol Bronglais.

Rydym yn chwilio am Nyrs Staff brofiadol sydd wedi ymrwymo i helpu i wella a darparu asesiadau a gofal o'r safon uchaf, sy'n canolbwyntio ar yr unigolyn, i oedolion hŷn ar uned 11 gwely.

Mae'r ward yn derbyn oedolion ag ystod o anghenion, gan gynnwys salwch gweithredol a symptomau ymddygiadol a seicolegol dementia, a hynny o Geredigion ac ardal ehangach Bwrdd Iechyd Prifysgol Hywel Dda.

Byddwch yn gweithio mewn tîm amlddisgyblaethol sy'n cynnwys Meddygon, Nyrsys, Gweithwyr Cymorth Gofal Iechyd, Uwchymarferwyr Nyrsio, Therapyddion Galwedigaethol, Seicolegwyr a Fferyllwyr, gan ddefnyddio dull cydweithredol i ddatrys a rheoli problemau i'r bobl yn ein gofal.

Prif ddyletswyddau'r swydd

Rhaid bod gan yr ymgeisydd llwyddiannus ddiddordeb mewn gweithio gydag oedolion hŷn, yn ogystal â sgiliau cyfathrebu rhagorol, a rhaid iddo amlygu parodrwydd i ddatblygu yn rôl nyrs staff ac fel aelod o'r tîm.

Yn gyfnewid am hyn, bydd yr ymgeisydd llwyddiannus yn cael cyfle i ymuno â thîm gwych sy'n gweithio mewn amgylchedd gwerth chweil, ynghyd â'r cyfle i ddatblygu ei sgiliau ymhellach trwy hyfforddiant, cymorth a goruchwyliaeth reolaidd. 

Mae'r ward yn amgylchedd dysgu rhagorol ar gyfer pob gradd a phroffesiwn, ac anogir yr holl staff i ddatblygu hyd eithaf eu potensial. Mae yna ystod eang o hyfforddiant ffurfiol ar gael gan y Bwrdd Iechyd a lleoliad y Brifysgol leol, a hefyd trwy ein rhaglen datblygu ar y ward. Mae'r ward yn mynd ati i ddefnyddio'r dull Mapio Gofal Dementia i lywio'r broses o gynllunio gofal a gwella'r gwasanaeth a ddarperir ar gyfer ei chleifion.

Os credwch fod gennych y sgiliau, y rhinweddau a'r gwerthoedd cywir i wneud y mwyaf o'r swydd hon, hoffem glywed gennych. 

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saeneg wneud cais. 

Cynhelir y cyfweliadau ar 3/6/2024

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (chwech ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.