NHSJobs.com

Trosolwg o'r swydd

Mae swydd hon yn Cyfnod Penodol/ Secondiad tan  31/08/2027 .Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae cyfle cyffrous wedi dod ar gael gyda'r Gwasanaeth Anableddau Dysgu Cymunedol i Oedolion, y Gwasanaeth Therapi Galwedigaethol yn Sir Benfro. Mae'r Gwasanaethau Anableddau Dysgu yn ymdrechu i ddarparu gwasanaethau blaengar o ansawdd uchel, gan weithio mewn partneriaeth ag asiantaethau eraill. 

Mae rôl Ymarferydd Cynorthwyol Therapi Galwedigaethol yn hanfodol o ran cefnogi'r gwaith o weithredu ymyriadau therapiwtig, a hynny dan arweiniad y therapydd galwedigaethol cymwys. Bydd yn gweithio mewn tîm amlddisgyblaethol sy'n cefnogi defnyddwyr gwasanaethau i gynyddu 
eu hannibyniaeth a chyflawni eu nodau personol. Bydd deiliad y swydd yn gweithio'n annibynnol ac ochr yn ochr â'r Therapydd Galwedigaethol ac aelodau eraill o'r tîm, i ddarparu ymyriadau therapiwtig wedi'u hasesu, sy'n ystyrlon i'r unigolyn, ac a allai gynnwys, er enghraifft, dechnegau 
datblygu sgiliau, darparu cymorth a chyngor, yn ogystal â darparu cyfarpar. Bydd yr ymgeisydd llwyddiannus yn gweithio ar draws amrywiaeth o leoliadau a fydd yn cynnwys ysbytai, cartrefi unigolion, sefydliadau addysgol a chyfleusterau cymunedol a hamdden. 

Mae'r gallu i addasu, sgiliau cyfathrebu da a hunangymhelliant i gyd yn hanfodol i'r rôl.

Prif ddyletswyddau'r swydd

Gweithio yn rhan o dîm dynodedig i ddarparu gwasanaeth Therapi Galwedigaethol sy'n effeithiol ac yn effeithlon i wella iechyd a llesiant pobl, yn unol â'r hyn a ddirprwyir gan Therapyddion Galwedigaethol. 
Darparu'r gwasanaeth mewn modd ac mewn lleoliad sy'n briodol i anghenion y grŵp cleientiaid, gan ddilyn canllawiau, protocolau, polisïau a llwybrau gofal cytunedig. Gall hyn gynnwys gweithio gyda chyd-weithwyr neu ar eich pen eich hun; gydag unigolion a grwpiau; yng nghartrefi pobl, 
mewn lleoliadau yn y gymuned ac mewn ysbytai. 
Darparu gwasanaeth i grŵp cleientiaid dynodedig, yn seiliedig ar arweiniad y therapydd galwedigaethol. Bydd hyn yn cynnwys gweithio gyda llwyth achosion dirprwyedig, cynnal asesiadau penodol, datblygu cynlluniau sy'n canolbwyntio ar yr unigolyn a darparu ymyriadau, a 
hynny yn annibynnol, yn rhan o gynllun gofal cyffredinol. 
Cydweithio â staff o fudiadau Iechyd, o Awdurdodau Lleol ac o fudiadau'r Trydydd Sector i gyflawni'r canlyniadau gorau. 
Cefnogi gweithrediadau'r tîm, gan ddelio ag ymholiadau mewn modd priodol ac ymgymryd â dyletswyddau gweinyddol sy'n berthnasol i'r rôl. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.