Trosolwg o'r swydd

Rydym yn falch o allu cynnig y cyfle i unigolyn profiadol a llawn cymhelliant sydd â sgiliau cyfathrebu rhagorol i wneud cais am rôl gweithiwr cefnogi Gofal Iechyd Band 3 ar Ward Kestrel o fewn Gwasanaeth Pobl Ifanc Gogledd Cymru yn Abergele.

Gan y byddwch yn gweithio mewn lleoliad CAMHS i gleifion mewnol gyda phobl ifanc rhwng 11 a 17 oed, bydd arnoch angen ymagwedd hyblyg ac yn gallu addasu eich sgiliau a’ch gallu fel ei fod yn addas ar gyfer ystod o anghenion a phroblemau.

Mae'n rhaid bod gan ymgeiswyr brofiad amlwg o weithio mewn amgylchedd iechyd neu ofal cymdeithasol sy'n berthnasol i CAMHS Haen 4 ar gyfer cleifion mewnol, lle maent wedi rhoi gofal a chymorth uniongyrchol i bobl ifanc sydd ag anghenion iechyd meddwl cymhleth. Mae'r profiad hwn yn hanfodol er mwyn caniatáu cynnig gofal diogel, effeithiol a thrugarog o fewn y lleoliad arbenigol hwn.

Prif ddyletswyddau'r swydd

Rhoi gofal o ddydd i ddydd i gleifion o dan oruchwyliaeth nyrs gofrestredig sy'n bodloni gofynion 'arfer gorau', yn dilyn canllawiau sy'n bodoli eisoes, cyflawni'r safonau a ragnodir a chyfrannu at gysur a lles cleientiaid yn gyffredinol. Cydweithio a chydweithredu ag eraill i ddiwallu anghenion cleifion a'u teuluoedd.

Er y byddwch yn gweithredu bob amser yn unol â chyfarwyddyd y nyrs â chyfrifoldeb, byddwch yn gymwys i weithio heb oruchwyliaeth uniongyrchol, weithiau ar eich pen eich hun, yn unol â fframwaith y cytunwyd arno gan Reolwr y Gwasanaeth/Rheolwr y Ward. 

Yn ogystal â chyfrannu at drefn o ddydd i ddydd a chefnogaeth i bobl ifanc ar y ward, byddwch yn cael y cyfle i weithio gyda phobl ifanc y tu allan i’r uned, gan gefnogi eu hailintegreiddiad i’r gymuned.

Mae ward Kestrel yn darparu gwasanaeth 24/7 a bydd gofyn i chi fod yn hyblyg i fodloni’r ystod o batrymau sift gofynnol, gan gynnwys sifftiau nos

Bydd gofyn i chi allu gweithio’n annibynnol, o dan gyfeiriad y tîm nyrsio. Bydd dyletswyddau’n cynnwys hebrwng cleifion ar deithiau/apwyntiadau mynd gartref ayb.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Sylwch os ydych chi eisoes wedi ymgeisio am y swydd hon, nid oes rhaid i chi gyflwyno cais arall yr adeg hon. Bydd y hysbyseb hon yn cau unwaith y cewch ddigon o geisiadau.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.