Trosolwg o'r swydd

Rydym yn chwilio am unigolyn deinamig i weithio fel aelod o dîm Cyllid Cyfrifon Rheoli (fel rhan o'r IHC Gorllewin) i Ysbyty Gwynedd ym Mangor fel Dadansoddwr Ariannol. Bydd yr ymgeisydd llwyddiannus yn gweithio yn agos gyda'r tim rhoeli a thim clinigol Gofal Eilaidd, i sicrhau bod ein gwasanaethau yn cyflawni gwerth am arian.

Bydd deilydd llwyddiannus y swydd wedi cymhwyso gyda AAT neu gyda phrofiad / cymhwyster cyfatebol.

Mae’r rôl yn gofyn am unigolyn brwdfrydig, ymroddedig a llawn cymhelliant gyda sgiliau dadansoddi, cyfathrebu a sgiliau rhyngbersonol o'r radd flaenaf.

Dyma cyfle gwych i unigolyn sydd yn awyddus i ddatblygu ei gyrfa yn y maes Cyllid, profiad a dealltwriaeth o reoli adnoddau GIG Cymru.

Os ydych yn teimlo bod gennych y sgiliau a'r brwdfrydedd i ymuno gyda'r tim, cysylltwch gyda ni.  

Mae’r gallu i siarad Cymraeg yn ddelfrydol. Mae croeso i ymgeiswyr sy’n siarad Cymraeg a/neu Saesneg ymgeisio.

Prif ddyletswyddau'r swydd

Gweithio fel rhan o'r Tîm Cyfrifo Rheolaethol i 
baratoi, prosesu a monitro'r holl incwm a gwariant o ran Cyllideb Ddirprwyedig benodol o fewn dyraniad cyffredinol y Bwrdd Iechyd.

Cefnogi’r gwaith o fonitro'r holl gyllidebau, gan sicrhau y cydymffurfir â rheolau sefydlog, cyfarwyddiadau ariannol sefydlog ac unrhyw safonau, polisïau a gweithdrefnau cyfrifo eraill y Bwrdd Iechyd neu Statudol.

Trafod ac ymateb i /delio ag ymholiadau gan staff, cwsmeriaid neu gyflenwyr am unrhyw faterion yn ymwneud ag unrhyw agwedd o wariant neu incwm y Bwrdd Iechyd / Cyllideb Ddirprwyedig, yn cynnwys meysydd sy'n gallu bod yn gymhleth a sensitif. I ddatrys bydd angen dadansoddi data ariannol cymhleth yn aml a dehongli a chyflwyno'r canlyniadau ac argymhellion ar gyfer staff cyllid a heb fod yn gyllid.

Helpu i baratoi cyllidebau gwasanaeth manwl (ar gyfer cyflogau, heb fod yn 
gyflogau ac incwm) yn cynnwys prosesu, cysoni a rheoli'r holl gyllidebau ar 
System Ariannol Oracle a'r cyfriflyfr cyffredinol

Paratoi a phrosesu dyddlyfrau ar gyfer eu mewnbynnu ar y cyfriflyfr cyffredinol yn unol â rheoliadau systemau ac archwilio ac amserlenni misol, gan sicrhau bod yr holl gofnodion yn cael eu gwneud yn erbyn nodau cyfrifo cywir a pherthnasol i gefnogi adrodd rheoli perfformiad ariannol blynyddol a misol.

Gweithio i'n sefydliad

Os ydych chi'n mwynhau her, mae gennych frwdfrydedd i helpu eraill neu dim ond sydd eisiau dechrau newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru, yr holl gynhwysion cywir. Y sefydliad iechyd mwyaf yng Nghymru, sy'n darparu ystod lawn o wasanaethau ysbyty cynradd, cymunedol, iechyd meddwl, acíwt a dewisol i boblogaeth o tua 700,000, ledled gogledd Cymru . Ymunwch â'n tîm a chael y gefnogaeth sydd ei hangen arnoch chi, yn unol â'n Gwerthoedd Sefydliadol a fframwaith cymhwysedd 'Balch i Arwain'

Mwynhewch fod yn rhan o weithio gydag arweinyddiaeth ymgysylltu ar bob lefel, a chael sicrwydd ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus Anabledd".

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth sy'n gysylltiedig â recriwtio drwy'r cyfrif e-bost sydd wedi ei gofrestru ar y ffurflen gais.

Gellir cyflwyno ceisiadau yn Gymraeg. Ni chaiff ceisiadau a gyflwynir yn Gymraeg eu trin yn llai ffafriol na chais a gyflwynir yn Saesneg.