Trosolwg o'r swydd

Bydd Clerc y Ward yn darparu cymorth clercyddol effeithiol i'r ward.  Mae darparu gwasanaeth gweinyddol effeithiol yn hanfodol i sicrhau bod cleifion yn cael eu derbyn, rhyddhau a'u trosglwyddo yn brydlon.

Oherwydd natur y dyletswyddau, disgwylir i’r clerc ward gadw cyfrinachedd llwyr a disgwylir iddi/iddo ymdrin â chleifion a pherthnasau yn gwrtais a doeth bob amser.

Mae Clerc y Ward yn gyfrifol i Reolwyr y Ward i ddarparu gwasanaeth clercyddol effeithiol ar draws y wardiau.

Mae'r gallu i siarad Cymraeg yn hanfodol ar gyfer y swydd hon

Prif ddyletswyddau'r swydd

Cwblhau dogfennaeth ward arferol a fydd yn cynnwys: ystadegau hyfforddiant, ystadegau defnyddio banc, ystadegau salwch ayb. 

Prosesu dogfennaeth statudol yn ymwneud â'r Ddeddf Iechyd Meddwl. Prosesu dogfennaeth ward e.e. Derbyniadau a Rhyddhau.

Cynnal nodiadau achos mewn cyflwr da.

Sicrhau bod digon o dudalennau gwag yn y nodiadau achos a bod labeli adnabod cleifion cywir ar eu cyfer.

Olrhain nodiadau achos yn unol â gweithdrefnau adrannol a sefydliadol.

Ffeilio canlyniadau gyda nodiadau achos, gan gynnwys y nodiadau achos wedi'u holrhain i fannau 'y tu allan i wardiau'.

Cynnal systemau papur/cyfrifiadurol priodol a’u diweddaru fel bo angen.

Llungopïo dogfennaeth briodol fel y cyfeiriwyd. 

Dychwelyd ac olrhain nodiadau cleifion a ryddhawyd i fel sy'n briodol.

Ateb y ffôn a chyfleu negeseuon ac ymholiadau mewn modd amserol.

Monitro a chynnal cyflenwadau nwyddau swyddfa.

Cydweithio gyda'r Swyddfa Gyffredinol o ran ceisiadau teithio cleifion.

Unrhyw ddyletswyddau ad hoc eraill, sy'n rhesymol a phriodol i'r raddfa, felly'n cefnogi'r naill a'r llall fel tîm a'r Gwasanaeth ar y cyfa

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.