Trosolwg o'r swydd

Ydych chi’n fferyllydd sy’n awyddus i wneud gwahaniaeth gwirioneddol yn narpariaeth y gwasanaeth, profiad cleifion a chanlyniadau mewn dermatoleg yng Nghymuned Iechyd Integredig Ardal y Gorllewin (IHC)? Oes gennych gymhwyster ôl-raddedig ar lefel ymarfer uwch ac yn barod i ddefnyddio eich sgiliau mewn dermatoleg?

Rydym yn falch iawn o gyhoeddi rôl yr uwch ymarferydd clinigol fferyllol yn nhîm dermatoleg Cymuned Iechyd Integredig Ardal y Gorllewin Bwrdd Iechyd Prifysgol Betsi Cadwaladr (BIPBC). Bydd deilydd y swydd yn mynd i’r afael â rôl arweinyddiaeth glinigol o fewn y tîm dermatoleg gyda ffocws penodol yn cael ei roi ar y cleifion hynny â chyflyrau cronig sy'n cael presgripsiwn ar gyfer therapïau datblygedig fel biolegau.

Rydym yn awyddus i benodi fferyllydd brwdfrydig, deinamig ac arloesol sydd â phrofiad clinigol sylweddol ar lefel ymarfer uwch, sgiliau rhyngbersonol cryf, sgiliau cyfathrebu rhagorol, a gweledigaeth ar gyfer y dyfodol. Bydd gan yr ymgeisydd llwyddiannus hanes blaenorol o wella ansawdd, datblygu gwasanaethau ac arweinyddiaeth glinigol mewn tîm amlddisgyblaethol.

Mae’r swydd yn ddelfrydol ar gyfer unigolyn sy’n awyddus i ddefnyddio ei sgiliau arweinyddiaeth glinigol i wella canlyniadau ac adeiladu ar ei gymhwyster ymarfer clinigol uwch gan weithio tuag at gymhwyster fferyllydd ymgynghorol Cymdeithas Fferyllol Frenhinol.

Prif ddyletswyddau'r swydd

Arwain, datblygu a gweithredu gwasanaeth fferyllol glinigol o ansawdd uchel yn strategol fel rhan o'r tîm amlddisgyblaethol mewn dermatoleg.

Darparu ymarfer clinigol arbenigol a gofal rhagorol sy'n canolbwyntio ar y claf i gleifion â chyflyrau cronig mewn dermatoleg, ac ar y cyd â nhw.

Arwain ar ddatblygu gweledigaeth strategol a map trywydd ar gyfer rheoli clefydau cronig gan y tîm amlddisgyblaethol mewn dermatoleg.

Bod yn fentor, hyfforddwr a model rôl effeithiol. Cyflwyno addysg a hyfforddiant i weithwyr proffesiynol gofal iechyd ar draws y Gymuned Iechyd Integredig a gweithredu fel
ymarferydd presgripsiynu dynodedig (DPP) ar gyfer staff sy'n hyfforddi i ddod yn bresgripsiynwyr  anfeddygol.

Arwain ar wella gwasanaethau, rhoi cefnogaeth a chyfrannu at ymchwil a datblygiad clinigol mewn dermatoleg, a rhannu ei dysg trwy gyhoeddiadau a chyflwyniadau mewn cynadleddau.

Mae’r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.