Trosolwg o'r swydd

Ydych chi'n fferyllydd sy'n awyddus i wneud gwahaniaeth ystyrlon i'r gwasanaeth, darpariaeth, profiad a chanlyniad gorau I gleifion rheumatoleg yn y Gymuned Iechyd Integredig y Gorllewin (IHC)?

Rydym yn chwilio am fferyllydd dynamig, blaengar i ymuno â'r tîm amlddisgyblaethol rheumatoleg hen sefydledig a chefnogol sydd wedi'i leoli yng Nghanolfan Rheumatoleg Peter Maddison yn Ysbyty Cyffredinol Llandudno.

Byddwn yn eich croesawu chi fel aelod o'n tîm fferyllol cyfeillgar a chefnogol yn Ysbyty Gwynedd, a byddwch yn gweithio i gyflawni ein nod o ddarparu gofal fferyllol di-dor, sy'n canolbwyntio ar y claf, yn gwneud y mwyaf o iechyd a lles pobl Gogledd Orllewin Cymru. Byddwch yn cael eich cefnogi yn eich taith gymhwyso a byddwch yn cael eich annog i ddatblygu eich sgiliau clinigol ymhellach ar lefel ymarfer clinigol uwch. Bydd ein cysylltiadau sefydledig â phrifysgolion ar draws Cymru yn cynnig cyfleoedd i gymryd rhan yn y dysgu a mentora myfyrwyr fferylliaeth israddedig.

Os ydych yn fferyllydd gyda chefndir rheumatoleg blaenorol neu'n fferyllydd clinigol profiadol yn barod i gamu i rôl glinigol arbenigol, hoffwn ni glywed gennych. Bydd eich cynllun gwaith yn canolbwyntio ar ymarfer clinigol yn adran rheumatoleg 2 ddiwrnod yr wythnos, a fydd yn galluogi hyblygrwydd i addasu gweddill eich wythnos o amgylch eich profiad clinigol blaenorol a'r anghenion gwasanaeth yn Ysbyty Gwynedd yn Bangor. Gellir hefyd ystyried gweithio rhan-amser a/neu swydd rannu gyda'ch rôl bresennol.

Prif ddyletswyddau'r swydd

Gweithio’n uniongyrchol gyda chynghorwr rhiwmatoleg a nyrsys arbeinigol, gan gynnal eich llwyth clinig eich hun fel rhagnodwrannibynnol gan gymryd cyfrifoldeb am rhangodi DMARDS, cyffuriau biolegol, a meddyginiaethau arbenigol i gleifion gyda Arthritis Rhematoid a chyflyrau rhiwmategol eraill.

Ymarfer fel rhagnodwr annibynnol mewn clinigau cleifion allanol ochr yn ochr â chynghorydd rhiwmatoleg, darparu gofal fferyllol arbennig a chyfrannu at wella defnydd meddyginiaethau.

Arwain ar ragnodi diogel, cost–effeithiol ar draws yr arbenigedd, gan gynnwys monitro gwariant a defnydd cyffuriau, a newid i gyffuriau fiodebyg.

Datblygu a gweithredu canllawiau, polisiau, a phrotocolau rhagnodi ar gyfer yr adran.

Cynrychioli fferyllfa mewn MDT rhiwmatoleg, cyfarfodydd llywodraethu a chyfrannu at rwydweithiau arbenigol rhanbarthol a chenedlaethol.

Gweithredu fel esiampl dda yn glinigol er mwyn cefnogi, mentora ag addysgu myfyrwyr ffeylliaeth, fferyllwyr dan hyfforddiant, fferyllwyr cylchdro a gweithwyr proffesiynol gofal iechyd eraill.

Gyrru datblygiad ac arloesedd y gwasanaeth, gyda’r cyfle i gymeryd rhan mewn ymchwil / archwiliadau a rhannu dysgu drwy gyhoeddi a chyflwyno mewn cynhadleddau.

Mae’rgallu i siarad Cymraeg yn ddymunol ar gyfer y swydd hon; croesewir ceisiadau gan siaradwyr Cymraeg a Saesneg yn gyfartal.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.