Trosolwg o'r swydd

Ydych chi'n fferyllydd clinigol brwdfrydig, dynamig ac sydd wedi'i ysgogi ac sydd ag angerdd tuag at Hyfforddiant a Datblygu?

Mae'r rôl hon yn ddelfrydol i fferyllydd sydd eisiau gwella eu sgiliau arweinyddiaeth mewn addysg fel Cyfarwyddwr Rhaglen Hyfforddi (CRH) sy'n arwain ar y rhaglen fferylliaeth sylfaenol.

Byddwch yn cydlynu ac yn uchafu cyfleoedd datblygu ledled ein tîm cyfan gan gynnwys fferyllwyr israddedig, sylfaenol ac ôl-sylfaenol a thechnegwyr fferyllol.

Mae gan y Bwrdd Iechyd gysylltiad cryf â phrifysgolion Bangor, Abertawe a Chaerdydd, gan ddarparu cyfleoedd ar gyfer ymchwil, archwilio, dysgu a chredydio fel fferyllydd mewn ymarfer uwch.

Bydd y CRH yn gweithio ar gyflawni'r rhaglen a chefnogaeth i hyfforddeion gan sicrhau bod hyfforddeion wedi'u lleoli mewn amgylchedd addas ar gyfer eu cylchdro, gan ddarparu gofal esgynnol, ynghyd a chreu a monitro cylchoedd gwaith.

Bydd y CRH yn sicrhau fod y cwricwlwm yn cael ei gyflawni ynghyd  â darparu cefnogaeth i oruchwylwyr dynodedig ac ymarferydd rhagnodi dynodedig er mwyn sicrhau bod safonau rheoli ansawdd yn cael eu cyflawni trwy adolygiad e-borffolio.

Prif ddyletswyddau'r swydd

Cynorthwyo yn y ddarpariaeth o addysg fferyllol sy’n ymwneud â rheoli meddyginiaethau i weithwyr gofal iechyd proffesiynol ac eraill sy’n gweithio mewn gofal iechyd a gofal cymdeithasol.

Cefnogi’r Goruchwyliwr Dynodedig neu’r Ymarferydd Rhagnodi Dynodedig i gyflawni eu cyfrifoldebau pan fo problemau wedi’u hadnabod, gan adrodd ar unrhyw ddiffyg gwelliant i’w rheolwr llinell ac i Arweinydd Rhanbarthol HEIW.

Cyfranu i werthusiad rhaglen a gwelliant trwy Adolygiad Cwricwlwm Rhaglen Fferyllwr Sylfaen HEIW a grwpiau Gweithredol.

Rheoli absenoldeb staff a chynnal cyfarfodydd adolygu rheolaidd gyda’r hyfforddeion.

Cydlynu gyda HEIW yn ogystal â mynychu cyfarfodydd rheolaidd HEIW.

Mae gallu siarad Cymraeg yn ddymunol ar gyfer y swydd hon; mae croeso i siaradwyr Saesneg a/neu Cymraeg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.