Trosolwg o'r swydd

Mae’r swydd hon am Gyfnod penodol/Secondiad am 15 mis i cwrdd gofynion y gwasanaeth.

Dyma gyfle cyffrous i weithio fel Hyfforddwr Technegol Ffisiotherapi Band 4 gyda'r tim Ffisiotherapi Orthopedig yn Ysbyty Gwynedd. Mae hwn yn rol am gyfnod penodol gyda’r cywaith tori clyn INITIATE (15 mis).

Rydym yn chwilio am unigolyn brwdfrydig, cadarnhaol a llawn cymhelliant sydd â'r sgiliau a'r gallu i ymgysylltu'n dda â'u cleifion a gweithio'n annibynnol ac fel rhan o dîm.

Dymunir tystiolaeth berthnasol o brofiad adsefydlu. Byddech yn cario eich llwyth achosion eich hun o gleifion gyda goruchwyliaeth a chefnogaeth gan therapyddion cymwys.

Bydd gennych hefyd brofiad o ddefnyddio technegau trin tra medrus i hwyluso symud cleifion, a/neu adsefydlu, gweithredu rhaglenni ymarfer corff ac adsefydlu. Byddwch yn gweithio gydag eraill yn y tîm i drin cleifion.

Prif ddyletswyddau'r swydd

• Cynorthwyo’r ffisiotherapydd cymwys i reoli ffisiotherapi cyffredinol cleifion mewn cydweithrediad â gofalwyr, gweithwyr cymorth, staff iechyd ac asiantaethau.
• O dan gyfarwyddyd ac arweiniad y ffisiotherapydd cymwys, i reoli a bod yn gyfrifol am eu llwyth achosion clinigol eu hunain o gleientiaid, gan ddilyn rhaglenni therapiwtig er mwyn gwella eu galluoedd corfforol a lleihau anableddau.
• Gweithio'n annibynnol gan ddefnyddio eich menter eich hun, o fewn lefel cymhwysedd.

Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.