Trosolwg o'r swydd

Uwch Weithiwr Cymorth Clinigol Radioleg (Band 3)
Banc Gweinyddol
Lleoliad: Ysbyty Gwynedd

Mae'r Gwasanaeth Radioleg BCU Gorllewin yn chwilio am unigolion brwdfrydig, profiadol, ac uchel eu cymhelliant  i ymuno a'r banc fel Uwch Weithiwyr Cymorth Clinigol Radioleg (Gradd 3) i gefnogi'r tim gweinyddol Radioleg. Swyddi banc yw'r rhain a gall oriau fod yn hyblyg.

Lleolir y rol yn bennaf yn yr Adran Radioleg yn Ysbyty Gwynedd, ond efallai y bydd y rol yn gofyn am weithio ar ein safleoedd cymunedol eraill.

Fel aelod allweddol o’r tîm, byddwch yn cynorthwyo Radiograffwyr a Radiolegwyr gyda gofal cleifion yn ystod gweithdrefnau diagnostig ac yn cyflawni ystod o ddyletswyddau clerigol a gweinyddol, gan gynnwys trefnu apwyntiadau cymhleth a pharatoi meysydd clinigol. Byddwch yn chwarae rhan bwysig wrth sicrhau profiad llyfn a chefnogol i gleifion trwy gydol eu hymweliad.

Yn ddelfrydol, dylai fod gan ymgeiswyr brofiad blaenorol mewn Radioleg neu leoliad clinigol tebyg, ynghyd â sgiliau cyfathrebu, trefnu a gweithio mewn tîm rhagorol. Mae ymrwymiad cryf i ofal cleifion ac ansawdd gwasanaeth yn hanfodol.

Prif ddyletswyddau'r swydd

Mae'r Uwch Weithiwr Cymorth Clinigol Radioleg (Band 3) yn chwarae rhan hanfodol wrth gefnogi darpariaeth esmwyth ac effeithiol o wasanaethau Radioleg.

Gan weithio dan oruchwyliaeth Radiograffwyr a Sonograffwyr, bydd deiliad y swydd yn cyfrannu at yr agweddau clinigol a gweinyddol ar ofal cleifion, gan sicrhau y cynhelir safon uchel o wasanaeth ar draws yr adran.

.Prif ddyletswydd y rôl fydd cefnogi rheolaeth weinyddol llwybrau cleifion—trefnu apwyntiadau, rheoli cofnodion cleifion, a helpu i gydlynu llif gwaith i sicrhau y darperir gwasanaeth amserol ac effeithlon.

Yn ogystal, efallai y bydd disgwyl i chi weithio'n annibynnol o fewn cwmpas eich ymarfer, gan gyflawni tasgau dirprwyedig sy'n ymwneud â gweithdrefnau Radiograffig ac Uwchsain. Mae hyn yn cynnwys paratoi cleifion a mannau clinigol, cynorthwyo yn ystod arholiadau, a datblygu gweithdrefnau arferol yn unol â phrotocolau adrannol a chanllawiau diogelwch

Mae’r rôl yn gofyn am ddull hyblyg y gellir ei addasu, oherwydd efallai y gofynnir i chi weithio ar draws gwahanol feysydd o’r adran Radioleg yn dibynnu ar anghenion y gwasanaeth. Bydd disgwyl i chi hefyd gymryd rhan mewn hyfforddiant a datblygiad parhaus i gadw'ch sgiliau'n gyfredol ac i gefnogi gwelliannau i wasanaethau.

Gweithio i'n sefydliad

Os ydych chi'n mwynhau her, os oes gennych angerdd i helpu eraill neu os ydych chi awydd dechrau newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion cywir. Y sefydliad iechyd mwyaf yng Nghymru, sy’n darparu ystod lawn o wasanaethau ysbyty sylfaenol, cymunedol, iechyd meddwl, acíwt a dewisol ar gyfer poblogaeth o tua 700,000, ar draws Gogledd Cymru. Ymunwch â’n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith cymhwysedd ‘Balch o Arwain’.

Mwynhau bod yn rhan o weithio gydag arweinwyr ymgysylltiedig ar bob lefel, a bod yn sicr ein bod wedi ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun “Cyflogwr Hyderus ag Anabledd”.

Gwiriwch eich cyfrif e-bost yn rheolaidd. Bydd ymgeiswyr llwyddiannus yn derbyn yr holl ohebiaeth yn ymwneud â recriwtio drwy'r cyfrif e-bost a gofrestrwyd ar y ffurflen gais.

Gellir cyflwyno ceisiadau yn Gymraeg. Ni fydd ceisiadau a gyflwynir yn Gymraeg yn cael eu trin yn llai ffafriol na chais a gyflwynir yn Saesneg.