Trosolwg o'r swydd

Bydd deilydd y swydd yn cefnogi staff gofal iechyd presennol i ddarparu gwasanaeth diogel ac effeithiol mewn amgylchedd gofalgar sy’n cefnogi datblygiad proffesiynol a gwasanaeth. Disgwylir i ddeilydd y swydd sicrhau bod pob claf sy’n dod i’r dderbynfa yn cael pob gwiriad priodol cyn cael ei symud i’r theatr llawdriniaethau.

Rheoli'r modd mae pob claf yn cael ei ddanfon i’r theatr llawdriniaethau cywir, gan sicrhau bod pob gwybodaeth berthnasol yn cael ei gyfleu i’r ymarferydd sy’n derbyn trosglwyddiad gofal.

Prif ddyletswyddau'r swydd

Cyflawni tasgau penodol ym maes cynllun gofal a ddynodir gan y nyrs â gofal ac yn unol â Pholisïau a Gweithdrefnau BIPBC.

Cyfnewid gwybodaeth ffeithiol gyda chleifion gan eu cysuro, a defnyddio doethineb ac empathi i sicrhau eu bod yn deall.

Sicrhau cyfforddusrwydd ac ystyried y claf a'i deulu neu gyfeillion ac ymateb gyda charedigrwydd ac empathi.

Rheoli'r ffeil rhestrau llawdriniaeth gyda'r derbynnydd fel bod yr holl restrau yn gyfredol ac yn gywir a bod pob ardal berthnasol wedi cael copïau.

Arsylwi'r dderbynfa’n gyffredinol o ran rheoli stoc, taclusrwydd a glanweithdra cyffredinol.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.