Trosolwg o'r swydd

Mae cyfle cyffrous wedi codi i aelod o staff profiadol addas i weithio ar lefel Band 3 gyda’r Gwasanaeth Ffisiotherapi yn Ardal y Gorllewin..

Bydd yr ymgeisydd llwyddiannus yn darparu cymorth gweinyddol i’r Gwasanaeth Ffisiotherapi yn Ardal y Gorllewin a bydd angen iddo/iddi weithio ar ei liwt ei hun i fodloni gofynion cleifion ac i sicrhau bod clinigau/ apwyntiadau yn cael eu trefnu i sicrhau defnydd effeithiol o amser clinigol.

Byddwch yn gweithio mewn amgylchedd heriol sy’n ymgymryd â newidiadau parhaus a bydd angen i chi ddefnyddio’ch barn a defnyddio amryw o sgiliau i ddelio â materion o ddydd i ddydd.

Bydd disgwyl i ddeilydd y swydd arddangos agwedd sensitif a gofalgar sy’n canolbwyntio ar y claf a chynnal agwedd digynnwrf a threfnus wrth weithio dan bwysau

Mae'r gallu i siarad Cymraeg yn hanfodol ar gyfer y swydd hon

Prif ddyletswyddau'r swydd

Darparu gwasanaeth gweinyddol cywir a phrydlon i hwyluso darpariaeth gwasanaeth trefnu apwyntiadau effeithiol ac effeithlon.  Darparu cefnogaeth derbynfa a neilltuo cynhwysfawr i'r Gwasanaethau Therapi, gan arddangos arddull gwrtais, broffesiynol a sensitif bob amser.  Mae disgwyl i ddeilydd y swydd flaenoriaethu, rheoli ei amser a dangos llawer o hyblygrwydd.

Bod yn rhan o wasanaeth gweinyddol cydlynol ac integredig y gwasanaeth.  Yn sgil natur y dyletswyddau, bydd yn ofynnol i ddeilydd y swydd gadw cyfrinachedd a bydd disgwyl iddo/iddi ddelio â chleifion, gofalwyr, perthnasau, staff meddygol a defnyddwyr gwasanaeth eraill, dros y ffôn ac ar bapur, a hynny’n gwrtais a chan ddefnyddio doethineb bob amser.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.