Rheoli Gweithredol/Cyffredinol

•        Yn gyfrifol am ddarparu lluosog wasanaethau clinigol, proffesiyol ac eraill yr ysbyty, yn unol â threfniadau llywodraethu'r Bwrdd Iechyd a'i ofynion cydymffurfio statudol. 

•        Byddwch yn gyfrifol am reoli'r safle ysbyty yn effeithiol, gan sicrhau penderfyniadau amserol a phriodol i gyflawni gofal cleifion o ansawdd o fewn yr adnoddau sydd ar gael.

•        Gweithio'n agos gyda rheolwyr proffesiynol arweiniol safle'r ysbyty a staff meddygol ymgynghorol, i sicrhau bod eu cynlluniau gweithredol unigol yn gyson gyda'r amcanion a blaenoriaethau corfforaethol a sicrhau bod blaenoriaethau unigol yn cael eu penderfynu o fewn y Gyfarwyddiaeth.

•        Datblygu systemau rheoli perfformiad a'u gweithredu fel bod adnoddau'n cael eu defnyddio yn effeithiol ac effeithlon yn unol â pholisi'r Bwrdd Iechyd.

•        Dehongli polisïau cenedlaethol megis mynediad cleifion, fframweithiau gwasanaeth cenedlaethol a safonau llywodraethu clinigol,   er mwyn eu trosi yn gynlluniau gweithredu y gellir eu cyflawni a dylanwadu a chynnig newidiadau i bolisïau'r Bwrdd Iechyd. 

•        Sicrhau cyfathrebu effeithiol ac amserol gyda'r holl staff ar hyd a lled y Gyfarwyddiaeth a rhwng cyfarwyddiaethau.

•        Gosod ac annog cyflawni safonau o ragoriaeth mewn arferion rheoli ac arwain hyrwyddiad ethos rheoli lle mae safonau perfformiad uchel ac ansawdd gofal uchel yn arferol.   Hyrwyddo diwylliant o fewn y Gyfarwyddiaeth, a danategir gan gyfathrebiaeth agored a gwaith tîm ar draws yr holl ddisgyblaethau.

•        Yn gyfrifol am ddarparu newidiadau sefydliadol mawr a gwasanaeth ar draws ffiniau gweithredol, proffesiynol a/neu sefydliadol, i gynnwys rhesymoli'r gweithlu a datrys gwrthdrawiadau er mwyn hyrwyddo derbyniad a dealltwriaeth staff. 

Cynllunio 

•        Dylanwadu'n weithredol ar ddatblygiad cynlluniau a blaenoriaethau strategol a gweithredol y Bwrdd Iechyd a LlC.

•        Sicrhau bod datblygiadau gwasanaeth yn cael eu rhagweld a'u cynllunio yn unol â chyfeiriad strategol a phroses y Bwrdd Iechyd. Mae hyn yn cynnwys datblygu newidiadau tymor hwy sy'n cael effaith ar draws y safleoedd Ysbyty.

•        Sicrhau datblygiad cynllun busnes cyfarwyddiaeth yn unol â chanllawiau cenedlaethol a lleol, sy'n adlewyrchu/cefnogi cynlluniau ac amcanion cenedlaethol a lleol sy'n darparu gofal cleifion modern a 'gynlluniwyd' sy'n ymateb i anghenion y defnyddwyr gwasanaeth.

•        Yn gyfrifol am broses dreigl 5 mlynedd cynllunio cyfalaf y Gyfarwyddiaeth, gan sicrhau bod asedau cyfalaf yn cael eu rheoli'n effeithiol. Gweithio'n unol â Chynllun Gweithredol y Bwrdd Iechyd; Fframwaith Cyfalaf, Grwpiau Cydweithredol Cenedlaethol a Law yn Llaw at Iechyd.

•        Paratoi achosion busnes i gefnogi newidiadau/datblygiadau strategol tymor hir i wasanaethau yn unol ag arweiniad cenedlaethol a lleol e.e. Fframwaith  Gwasanaeth Cenedlaethol, Cynllun Canser ac achosion busnes i Lywodraeth Cymru ar gyfer newidiadau ac ail gynllunio gwasanaethau yn y tymor hir yn cynnwys datblygiadau cyfalaf mawr.

•        Cynllunio trefniadau gweithredol a'u rhoi ar waith ar gyfer cyflawni targedau'r Ysbyty o ran safonau ac ansawdd gofal a gweithgarwch.

•        Cefnogi'r Tîm Comisiynu i gynhyrchu a chytuno ar gontractau gwasanaeth a phroffiliau cynllunio capasiti gyda chomisiynwyr.

•        Arwain ar drafodaethau gyda chomisiynwyr o ran datblygiad /newid strategol meysydd gwasanaeth penodol.         

•        Dyfeisio a gweithredu amcanion ar gyfer pob maes glinigol, is-arbenigedd a darparu cefnogaeth rheoli perfformiad i fonitro cyflawniad ac ymateb i'r Adolygiad Perfformiad Ysbyty.