Trosolwg o'r swydd

Bydd deiliad y swydd yn ymarfer dan oruchwyliaeth fel uwch ymarferydd dan hyfforddiant ym maes adsefydlu cardiaidd. Bydd hyn yn cwmpasu'r sgiliau asesu, archwilio, diagnosis a thriniaeth o fewn cwmpas ymarfer cytunedig drwy gydol adsefydlu cardiaidd a gwasanaethau cysylltiedig.

Bydd deiliad y swydd yn anelu at weithio tuag at Gymhwyster Uwch Ymarferydd Nyrsio.

Mae'r rhaglen hyfforddi yn cynnwys cyfuniad o ddysgu sgiliau, agweddau a gwybodaeth glinigol yn y gweithle a modiwlau academaidd yn y brifysgol. Mae trylwyredd academaidd y lefel hon yn gofyn am amser astudio penodedig.

Dylid cwblhau'r rhaglen hyfforddi, yn amodol ar asesiadau boddhaol. Bydd yr hyfforddai wedyn yn symud ymlaen i fod yn Nyrs Uwch Adsefydlu Cardiaidd band 7.

Prif ddyletswyddau'r swydd

Dyma  gyfle cyffrous i ymuno â thïm profiadol sy’n darparu gwasanaeth Adsefydlu Cardiaidd yng Ngogledd Cymru. Rydym yn edrych am nyrs sydd â chefndir yn y maes cardiolegol ag sydd wedi cyflawni cwrs MSc Ymarfer Clinigol Uwch, sydd wrthi’n gweithio tuag ato neu yn ymrwymo I gwblhau mewn 5 mlynedd. Pwrpas y swydd yma yw darparu gwybodaeth Adsefydlu Cardiaidd arbennigol ar gyfer cleifion, teulu a gofalwyr  sy’n annog adferiad a hunan-reolaeth.

Bydd angen gweithio’n ymreolathol yn ogystal a body n rhan o dïm aml-ddisgyblaeth i sicrhau llwybr diogel ac effeithiol ar gyfer y claf. 

Mae’r gallu i siarad Cymraeg yn ddymunol ar gyfer y swydd yma; mae croeso cyfartal i siaradwyr Cymraeg a Saesneg ymgeisio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.