Trosolwg o'r swydd

Bydd deilydd y swydd yn gweithio fel Uwch Ymarferydd o fewn y tîm adsefydlu cardiaidd. Bydd gofyn iddo arddangos ei sgiliau asesu ac archwilio, rhoi diagnosis a thriniaeth o fewn cwmpas ymarfer cytunedig y gwasanaeth adsefydlu cardiaidd a gwasanaethau cysylltiedig.

Bydd deilydd y swydd yn anelu at ddarparu safon rhagorol o ofal ar draws y meysydd o uwch ymarfer clinigol gan gynnwys presgripsiynu annibynnol, arweinyddiaeth a rheoli, ymchwil ac addysg.

Bydd deilydd y swydd yn ymgymryd â thriniaethau adsefydlu cardiaidd i gleifion gydag amrywiaeth o gyflyrau cardiaidd mewn amrywiol leoliadau clinigol a lleoliadau mewn campfeydd yn unol â gweithdrefnau’r Gymdeithas Brydeinig Atal ac Adsefydlu Cardiofasgwlaidd.

Prif ddyletswyddau'r swydd

Mae cyfle cyffrous wedi codi i ymuno â’n tîm profiadol yn y gwaith o ddarparu Adsefydlu Cardiaidd. Rydym yn awyddus i benodi nyrs sydd â chefndir nyrsio helaeth mewn Cardioleg ac sy'n bresgripsiynydd annibynnol cofrestredig. Pwrpas y rôl yw darparu gwybodaeth, arbenigedd a sgiliau arbenigol sy’n hybu adferiad a hunanreolaeth i gleifion a'u teuluoedd o fewn Adsefydlu Cardiaidd.

Mae hyn yn golygu y bydd angen i chi weithio’n annibynnol ac fel rhan o dîm amlddisgyblaethol i sicrhau llwybr diogel ac effeithiol i gleifion cardiaidd. Bydd gofyn i chi arwain a goruchwylio aelodau iau o staff a darparu penderfyniadau clinigol cadarn yn seiliedig ar dystiolaeth.

Mae’r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.