Trosolwg o'r swydd

Ar hyn o bryd rydym yn chwilio am ysgrifennydd meddygol profiadol a rhagweithiol i ymuno ag Adran Cynorthwyol Llawfeddygaeth Gyffredinol, yn yr adran lawfeddygol.

Prif ddyletswyddau'r swydd

Mae’r rôl yn gofyn am ysgrifennydd meddygol sydd â phrofiad o weithio ar ei liwt ei hun ar lefel uwch ac yn gallu cynnig cefnogaeth weinyddol ac ysgrifenyddol cynhwysfawr i’r Meddygon Ymgynghorol a’u timau cysylltiedig. Fel uwch ysgrifennydd meddygol, chi fydd y pwynt cyswllt cyntaf i gleifion, meddygon a staff ledled y Bwrdd Iechyd.

Mae’r swydd heriol hon yn gofyn am rywun sy’n chwaraewr tîm, hyblyg, trefnus ac yn gallu gweithio’n dda dan bwysau. Bydd angen i’r ymgeisydd llwyddiannus fod yn deipydd profiadol, wedi cymhwyso at RSA Teipio Lefel III (neu gyfateb). Mae’r swydd hon yn gofyn am sgiliau cyfathrebu ardderchog hefyd, a’r gallu i fodloni’r galwadau o weithio mewn amgylchedd prysur ac yn gallu cynrychioli’r adran yn broffesiynol.

Bydd y swydd hon yn cynnwys gweithio dros 2 diwrnod, o dydd Iau a dydd Gwener, i sicrhau parhad i’r gwasanaeth . 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.