Trosolwg o'r swydd

Mae hwn yn gyfle cyffrous i ymuno a thim  Gwasanaethau Marwdy a Phrofedigaeth BIPBC. Mae’r swydd yn darparu cefnogaeth bwysig i adrun brysur  sy’n heriol a gwerth chweil.

Bydd y swydd wedi’i leoli yn Ysbyty Glan Clwyd, Bodelwydan a fydd yr ymgeisydd llwyddianus yn gyfrifol am y gwasanaeth profedigaeth. Mae'r swydd yma yn rhan amser, i weithio Iau i Gwener 08:00-16:00.

Prif ddyletswyddau'r swydd

Mae deiliad y swydd yn gyfrifol am helpu i ddarparu'r Gwasanaethau Corffdai a Phrofedigaeth. Mae'r gwasanaeth hwn yn cynnwys cysylltu mewn modd trugarog a phroffesiynol gyda theuluoedd a chynrychiolwyr cleifion ynghyd â staff BIPBC i sicrhau y caiff Tystysgrifau Meddygol o Achos Marwolaeth eu cyhoeddi gan yr ysbyty. Bydd deiliad y swydd hefyd yn gyfrifol am gysylltu â gwasanaeth yr Archwiliwr Meddygol a gwasanaeth Crwner Ei Fawrhydi a darparu gwasanaeth i weddillion colledion beichiogrwydd.

Bydd y swydd yn golygu hwyluso teulu a'r crwner i weld cyrff, gan oruchwylio storfeydd cyrff y corffdai yn achlysurol a gwaredu ar golledion beichiogrwydd, gan ddarparu cymorth i'r gwasanaeth ym mhob un o safleoedd y bwrdd iechyd.

Disgwylir i ddeiliad y swydd gymryd rhan mewn rota ar alw.

Mae’r gallu siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.