NHSJobs.com

Trosolwg o'r swydd

Mae’n bleser gennym gynnig y cyfle cyffrous hwn am ddau weithiwr iechyd neu ofal cymdeithasol proffesiynol sydd â phrofiad a chofrestriad priodol i weithio fel rhan o’r Gwasanaeth Cydlynwyr Gofal MND sy’n gweithio ledled Gogledd Cymru. Mae rôl y Cydlynydd Gofal MND yn gyfrifol am gydlynu gofal a chymorth i bobl sy'n byw gydag MND yng Ngogledd Cymru.

Lleolir deilydd y swydd yn Ardal y Gorllewin (a bydd yn gwasanaethu Ynys Môn, Gwynedd, Conwy a rhan o Sir Ddinbych) neu Ardal y Dwyrain ( Sir Ddinbych, Sir y Fflint a Wrecsam) . Fel arfer, bydd disgwyl i ddeilydd y swydd weithio o ddydd Llun i ddydd Mercher nau dydd Mercher i ddydd Gwener bob wythnos, rhwng 9am a 5pm, gan gyflenwi yn ystod yr wythnos.

Croesawir ceisiadau gan weithwyr proffesiynol sydd wedi'u cofrestru ag unrhyw gorff proffesiynol ym meysydd iechyd neu ofal cymdeithasol, e.e. nyrsio, gwaith cymdeithasol neu'r proffesiynau perthynol i iechyd.

Os oes gennych chi gymwysterau, profiad, gwybodaeth a sgiliau perthnasol, ac awydd cryf i wella gofal i bobl sydd ag MND a'u teuluoedd, byddai'n dda gennym glywed gennych.

Prif ddyletswyddau'r swydd

Disgwylir i ddeilydd y swydd wneud y canlynol:

• Darparu cymorth yn lleol i gleifion sydd wedi cael diagnosis yn cadarnhau MND yng Ngogledd Cymru fel cyswllt allweddol.
• Olrhain cleifion ar hyd eu llwybr clefyd o'r diagnosis hyd at ddiwedd oes.
• Cydlynu gofal amlddisgyblaethol lleol i gleifion sydd ag MND ledled Gogledd Cymru ym meysydd gofal sylfaenol ac eilaidd a gofal gan y trydydd sector, gan sicrhau y gall cleifion gael mynediad at ofal o ansawdd uchel sy'n cydymffurfio â chanllawiau ynghylch arferion gorau.
• Cysylltu â'r Niwrolegwyr Ymgynghorol a'r Ganolfan Gofal MND yn Ymddiriedolaeth Sefydledig GIG Canolfan Walton yn Lerpwl i gael mewnbwn arbennig ynghylch gofal MND.
• Bod yn bwynt cyswllt unigol ar gyfer cleifion sydd â Chlefyd MND, eu gofalwyr a gweithwyr proffesiynol fel adnodd i gynnig gwybodaeth, cyngor a chyfeirio.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.