Trosolwg o'r swydd

Mae cyfle wedi codi ar gyfer Rhan Amser Band 3 Cynorthwyydd Gofal lechyd i ymuno â'r tîm nyrsio ar yr Uned Blant.  

Mae gan yr Uned Plant 19 gwely i gleifion mewnol yn cynnwys 1 gwely Dibyniaeth Fawr, 3 gwely Gofal Uwch.

Mae gennym hefyd 6 gwely uned Asesu, 6 gwely achos dydd meddygol/llawfeddygol a 2 gwely Oncoleg.

Prif ddyletswyddau'r swydd

Bydd deiliad y swydd yn gweithio fel rhan o'r tîm nyrsio i roi gofal clinigol ansawdd uchel seiliedig ar dystiolaeth sy'n canolbwyntio ar angen uniongyrchol y claf.  Bydd deiliad y swydd yn cynorthwyo'r nyrsys cofrestredig/ymarferydd i ddarparu gofal wedi'i ddirprwyo i gleifion.  Bydd deiliad y swydd yn ymdrechu i ddarparu ar gyfer anghenion holistaidd yr unigolyn, ar y cyd â disgyblaethau eraill yn yr amgylchedd gofal iechyd.

Bydd deiliad y swydd yn cyflawni ystod eang o ddyletswyddau a bydd disgwyl iddo weithio yn annibynnol ac fel rhan o dîm, gan oruchwylio cleifion a helpu â'u cynllun gofal tua'r dyfodol.    Bydd yn ofynnol i ddeiliad y swydd hefyd gynnig cymorth i sefydlu cynorthwywyr gofal iechyd iau a phrentisiaethau.

Bydd deiliad y swydd yn gallu rhoi elfennau o ofal iechyd a gofal cymdeithasol oherwydd bydd ganddo'r wybodaeth a'r lefel hyfedredd wedi'i hasesu i ymgymryd â'r fath rôl a fydd yn destun asesiad lleol.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.