Trosolwg o'r swydd

Rydym yn chwilio am unigolyn hunangymhellol, sy’n canolbwyntio ar y claf/gwasanaeth i ymuno â’n tîm presennol o Gymhorthion Fferyllfa sy’n gweithio yn y dosbarthfa.

Hwyluso llif gwaith llyfn drwy'r fferyllfa gan sicrhau bod pawb sy'n rhan o'r broses, yn cynnwys cleifion a staff yn cael y wybodaeth angenrheidiol i sicrhau bod anghenion cyflenwadau meddyginiaethau cleifion yn cael eu bodloni fel blaenoriaeth.

Gweithio systemau cyfrifiadurol y fferyllfa a rhoi cefnogaeth weinyddol a chlercyddol i waith yn ymwneud â'r fferyllfa.

Prif ddyletswyddau'r swydd

Helpu gyda labelu, dosbarthu a pharatoi presgripsiynau sydd wedi'u gwirio'n glinigol gan fferyllydd yn barod am y gwiriad olaf a chyflenwi cynnyrch fferyllol gan sicrhau bod anghenion cyflenwadau meddyginiaethau cleifion yn cael eu bodloni fel blaenoriaeth.

Gweithio systemau cyfrifiadurol sydd eu hangen ar gyfer dosbarthu a sicrhau bod yr holl wybodaeth yn ymwneud ag eitemau a ddosbarthwyd yn gywir ac wedi'i gofnodi/storio'n briodol.

Mae dyletswyddau'n cynnwys gwaith derbynfa, dosbarthu presgripsiynau, sicrhau bod gan y ddosbarthfa gyflenwadau digonol a rhai dyletswyddau cadw tŷ. Byddai profiad o weithio mewn amgylchedd o'r fath a chyda chyfrifiaduron o fantais ac rydym yn croesawu ceisiadau'n arbennig gan bobl sy'n gallu dosbarthu ar hyn o bryd, er nad yw hyn yn hanfodol, gan y caiff hyfforddiant priodol ei roi.

Bydd gofyn i chi ymgymryd â QCF lefel 2 mewn Gwasanaethau Fferylliaeth. Am y rheswm hwn, mae'n well gennym os oes gan ymgeiswyr TGAU gradd C neu gyfwerth mewn Mathemateg a Saesneg iaith.  Efallai y bydd y cyfle i fynd i gyrsiau priodol eraill yn bosibl.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.