Trosolwg o'r swydd

Mae cyfle cyffrous wedi codi ar gyfer rhywun sy'n frwdfrydig ac yn angerddol am ddiogelwch cleifion a dulliau rheoli meddyginiaethau.

Mae hon yn rôl heriol a gwerth chweil sy'n cynnwys datblygu, addysgu, arwain a chefnogi gweithwyr gofal iechyd proffesiynol sy'n gweithio gyda meddyginiaethau ar draws safle gofal eilaidd y canol ac ymgysylltu â safleoedd a thimau eraill ar draws y Bwrdd Iechyd.

Dylech feddu ar hunangymhelliant gyda sgiliau cyfathrebu, rheoli amser a rhyngbersonol ardderchog, gyda'r gallu i ymgysylltu ag uwch aelodau o staff clinigol, a dylanwadu arnynt, ynghyd ag aelodau'r tîm amlddisgyblaethol ar draws holl gyfarwyddiaethau'r safle. Bydd angen i chi ddatblygu cydberthynas waith dda rhwng staff nyrsio, fferylliaeth a staff clinigol eraill a gallu dylanwadu, cynlllunio a gweithredu gwelliannau i arferion rheoli meddyginiaethau.

Prif ddyletswyddau'r swydd

Mae'n rhaid i chi feddu ar ddealltwriaeth gynhwysfawr am fentrau rheoli meddyginiaethau cyfredol fel rhan o agenda moderneiddio'r GIG a hefyd ddealltwriaeth am ddeddfwriaeth sy'n llywodraethu dulliau rheoli meddyginiaethau, e.e. Cyfarwyddyd Grwpiau Cleifion a Rhagnodi Anfeddygol.

Ein nod yw gwella eich potensial o fewn ein tîm fferylliaeth cyfeillgar a chroesawgar, a chewch eich annog a'ch cefnogi i ddatblygu'n broffesiynol trwy ymgymryd â chymwysterau ôl-radd sy'n berthnasol i'ch rôl.

Mae'r gallu i siarad Cymraeg yn ddymunol ar gyfer y swydd hon; bydd yr un cyfle yn cael ei roi i siaradwyr Cymraeg a/neu Saesneg ymgeisio.

Mae'r swydd hon wedi'i hysbysebu fel un llawn amser, ond byddwn yn ystyried ceisiadau rhan-amser.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.