Trosolwg o'r swydd

Oherwydd bod ffyrdd newydd o weithio wedi’u cyflwyno, rydym yn chwilio i recriwtio technegydd fferyllfa 5 i ymuno â’n tîm cyfeillgar brwdfrydig. Bydd ein harddull tîm newydd ynghyd â thechnoleg newydd yn darparu gofal fferyllol amserol a cywir ac yn sicrhau gwell llif cleifion drwy’r ysbyty.   

Rydym yn chwilio am Dechnegydd Fferyllfa Cofrestredig brwdfrydig, cydwybodol, sydd yn canolbwyntiedig ar y claf, i ymuno â’n tim fferyllfa prysur wedi’u lleoli ar y wardiau.  Mae’n rhaid i chi gael sgiliau cyfathrebu a threfniadol ardderchog ac yn gallu defnyddio eich menter eich hun a chyfrannu at dîm a hefyd meddu ar y sgiliau i weithio ar eich pen eich hun.  

Byddwch yn ymgymryd â dyletswyddau rheoli meddyginiaethau ar lefel ward, yn cefnogi cyflenwad gweithredol o feddyginiaethau drwy’r brif ddosbarthfa ac hefyd yn goruchwylio a chefnogi’r broses o gyflwyno treialon clinigol a reolir drwy’r brif ddosbarthfa.

Prif ddyletswyddau'r swydd

Byddwch yn gyfrifol am oruchwyliaeth staff sydd yn cael hyfforddiant a staff llai profiadol. Fydd rhaid i chi allu rheoli eich llwyth gwaith eich hun i sicrhau darpariaeth gwasanaeth fferyllfa amserol ac effeithlon.  

Bydd yr ymgeisydd cywir yn cael y cyfle i wella eu gwybodaeth a’u sgiliau ymhellach drwy ein cyfleoedd datblygu gyda chefnogaeth ein tîm cyfeillgar a phrofiadol.  

Bydd bod yn rhan o’n tîm yn gwella eich gwybodaeth, yn wobrwyol a hefyd yn hwyl.  Rydym yn annog digwyddiadau cymdeithasol ac yn aml byddwn yn codi arian ar gyfer elusennau lleol trwy wneud teithiau cerdded gwisg ffansi, pobi cacennau a rafflau. Mae’r ysbyty mewn rhan hardd o Ogledd Cymru gyda chymaint mwy i’w gynnig i’r ymgeisydd cywir.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.