Trosolwg o'r swydd

MAE’R SWYDD HON AM GYFNOD PENODOL/SECONDIAD AM 3 MIS OHERWYDD CYFNOD MAMOLAETH.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Dirprwy Pennaeth Fferylliaeth, Gofal Sylfaenol a Gwasanaethau Cymunedol, (Canol) - Band 8b

Rydym yn chwilio am unigolyn deinamig a blaengar i arwain ar ddatblygu gwasanaethau fferylliaeth glinigol effeithiol diogel o fewn gofal sylfaenol a chymunedol.  Byddwch yn arwain, hyrwyddo a chefnogi datblygiad parhaus y gwasanaethau fferyllol gan sicrhau ffocws ar ofal a chanlyniadau cleifion.  Bydd hyn yn cael ei gyflawni drwy arweinyddiaeth tîm a chydweithio â staff ar draws y gymuned iechyd integredig.

Mae ethos cryf o ddatblygu ac arloesi: rydym yn parhau i gynyddu nifer y rhagnodwyr anfeddygol sy'n darparu gwasanaethau clinigol a byddwch yn cefnogi datblygiad ymarfer uwch ar draws pob proffesiwn. Rydym yn annog dilyniant gyrfa drwy gynnig llefydd ar gyrsiau rhagnodi annibynnol a'r MSc Ymarfer Clinigol Uwch (a redir gan Brifysgolion Bangor a Glyndŵr). Mae gennym ein fframwaith datblygu BIPBC ein hunain sy'n cefnogi fferyllwyr i fapio eu hunain yn erbyn Cyfadran yr RPS, anogir pob aelod o staff i adeiladu portffolio.

Prif ddyletswyddau'r swydd

Fel rhan o'r rôl hon byddwch hefyd yn dirprwyo ar ran y Pennaeth Fferylliaeth, Gofal Sylfaenol a Chymuned, gydag arweinwyr gweithredol traws-sector eraill, sy'n cynrychioli rôl fferylliaeth wrth ddarparu gofal yn ogystal â chyfrannu at ddatrys a cyfeirio sut mae’r gwasanaeth yn cael ei ddarparu.

Mae hwn yn swydd rhan-amser (22.5 awr).

Mae'r gallu i siarad Cymraeg yn ddymunol ar gyfer y swydd hon; Mae croeso i siaradwyr Cymraeg a/neu Saesneg wneud cais.

Os hoffech drafod ymhellach, cysylltwch â

Rory Wilkinson – Pennaeth Fferylliaeth Gofal Sylfaenol a'r Gymuned (Canol)

E-bost: [email protected]

Ffon:07500027249

Ceri Jones  - Dirprwy Pennaeth Fferylliaeth Gofal Sylfaenol a Chymuned (Canol)

E-bost: [email protected]

Ffon: 07827997691

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.