Trosolwg o'r swydd

Darparu gwasanaethau gweinyddol lefel uchel i Gyfarwyddiaeth Iechyd Cyhoeddus Bwrdd Iechyd Prifysgol Betsi Cadwaladr.  Cyfathrebu â sefydliadau ac unigolion o'r tu allan i'r Bwrdd Iechyd.  

Pwynt cyswllt cyntaf ar gyfer yr Arweinydd Parodrwydd am Argyfwng, Gwydnwch ac Ymateb (EPRR) a Chyfarwyddwr Cynorthwyol Diogelu Iechyd a'r tîm ehangach dros y ffôn, e-bost, a gohebiaeth neu ar gyfer ymwelwyr. Rhoi cyngor ar ystod eang o faterion sy'n ymwneud â gwaith yr Arweinydd EPRR a'r Cyfarwyddwr Cynorthwyol ar gyfer Diogelu Iechyd a'u timau, gan eu datrys neu eu cyfeirio at yr unigolyn mwyaf addas yn ystod cyfnodau lle nad ydynt yn y swyddfa. Cynllunio cyfarfodydd a'u trefnu, yn cynnwys llunio agendâu a llunio cofnodion ffurfiol a'u trawsgrifio.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais. 

Prif ddyletswyddau'r swydd

Rheoli dyddiadur Arweinydd EPRR a Chyfarwyddwr Cynorthwyol Diogelu Iechyd, gan gynnwys amserlennu ac aildrefnu apwyntiadau.

Darparu cymorth gweinyddol uwch, gan gynnwys rheoli dyddiaduron, trefnu teithio, trefnu ac aildrefnu cyfarfodydd.  Monitro mewnflwch e-byst Microsoft Office yr Arweinydd EPPR a Chyfarwyddwr Cynorthwyol Diogelu Iechyd bob dydd, gan godi materion brys ac ymateb ar eu rhan pan fo modd/angen.  Mewn cyfnodau o absenoldeb ymdrin ag e-byst, ymateb ar ran neu anfon ymlaen at gydweithwyr perthnasol i'w weithredu.

Yn gyfrifol am drefnu gweithdai, digwyddiadau hyfforddi a chynhadleddau mawr gyda'r rheiny sy'n mynychu o BIPBC ac yn allanol.  Sicrhau bod siaradwyr gwadd, lleoliadau mewnol ac allanol ac arlwyo'n cael eu trefnu'n ddidrafferth, trefnu systemau TG, cydlynu cyflwyniadau, cynllunio a chreu rhaglenni a thaflenni, hyrwyddo, cofrestru'r rheiny sy'n bresennol a chasglu adborth. 

Bod yn gyfrifol am gofnodi a monitro absenoldeb oherwydd salwch ymhlith y staff yn fanwl gywir.  Cynghori rheolwyr perthnasol am gyfraddau absenoldeb aelodau o'r staff a chamau perthnasol y dylid eu cymryd yn unol â gofynion y polisïau ynghylch absenoldeb oherwydd salwch.  Awdurdod dirprwyedig ar gyfer ESR gan y tîm rheoli i gofnodi absenoldeb salwch, gwyliau arbennig, gwyliau blynyddol ac ati ar gyfer y Tîm Gwella cyfan.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.