Trosolwg o'r swydd

Mae cyfle cyffrous wedi codi i fod yn aelod o'r tîm Ymchwil a Datblygiad yn BIPBC.

Bydd y swyddogaeth yn darparu cefnogaeth ymchwil  patholeg  i staff ar draws y sefydliad er mwyn rheoli, gyda chefnogaeth y Tim Ymchwil, llywodraethu ymchwil a phrosesau cyflawni ar ran y sefydliad.

Disgwylir i ddeilydd y swydd weithio'n bennaf yn Ysbyty Glan Clwyd gyda'r posibilrwydd o weithio mewn safleoedd eraill. 

Bydd deilydd y swydd yn darparu cefnogaeth labordy i’r Adran Ymchwil a Datblygiad ac yn darparu cyngor a chefnogaeth i holl staff y sefydliad sy’n ymwneud â gwaith ymchwil. Bydd y swydd hon hefyd yn datblygu eich dealltwriaeth bersonol o ymchwil ac yn rhoi cyfle i chi i weithio ar draws BIPBC gydag ystod o staff gwahanol.

Mae’r gallu i siarad Cymraeg yn ddymunol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Cynorthwyo gyda chydlynu portffolio o ymchwil clinigol ar draws BIPBC. Fel aelod integredig o'r tîm ymchwil, darparu cefnogaeeth labordy a chyfrannu at ddarparu'r agenda ymchwil lleol a chenedlaethol.

Teithio'n rheolaidd rhwng y GIG a safleoedd eraill o fewn BIPBC fel bo angen.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.