Trosolwg o'r swydd

Mae cyfle gwych ar gyfer unigolyn brwdfrydig, rhagweithiol ac arloesol i ymuno a thim Contractio Gofal Cychwynnol.

Rydym angen unigolyn arbennig i lenwi’r swydd Swyddog Contractau Gofal Cychwynnol. Mae hon yn swydd barhaol, heriol a chyffrous o fewn yr Contractio Gofal Cychwynnol fydd yn allweddol i gefnogi’r tim ar draws pob agwedd o gontractio gyda Meddygon Teulu a Fferyllwyr Cymunedol . Bydd deiliad y swydd hefyd yn darparu cymorth ar gyfer prosiectau a rhaglenni gwaith ar draws BCU.

Mae’r swydd yn cynnwys cefnogi comisiynu a rheoli pob un o’r cytundebau gofal cychwynnol o fewn yr Ardaloedd a bydd angen sgiliau cyfathrebu o’r radd flaenaf.  

Prif ddyletswyddau'r swydd

Yn gyfrifol am reoli agweddau gweithredol a gytunwyd y contractau gofal cychwynnol i ddarparu gwasanaethau meddygon teulu a fferyllol,  gan arwain ar rai meysydd penodol fel bo angen.

Yn gyfrifol am gymryd arweiniad rheoli gweithredol agweddau a gytunwyd  contractau GMS yn yr Uwch Adran, gan ddehongli polisïau i adlewychu anghenion lleol o fewn y fframwaith weithredol gyffredinol.

Ar lefel weithredol, arwain a chydlynu cydymffurfiaeth leol gyda rheoliadau GIG a chytundebau gofal cychwynnol, yn ogystal â pholisïau, gweithdrefnau a mentrau Llywodraeth Cymru sy’n berthnasol i ofal cychwynnol.

Defnyddio gwybodaeth arbenigol am y contractau gofal cychwynnol statudol a rheoliadau i gynghori a darparu arbenigedd ar gyfer materion gofal cychwynnol o ran comisiynu, contractau a pherfformiad.

Gweithredu o fewn canllawiau gweithredol cenedlaethol a lleol yn gyffredinol gydag ychydig iawn o oruchwyliaeth ac ymarfer mesur arwyddocaol o bwyso a mesur annibynnol er mwyn ymateb, cynghori a datrys materion cytundebol sylfaenol a phryderon. Bydd hyn yn cynnwys gwneud penderfyniadau ynghylch materion cynhennus ac mae'n bosibl bydd sawl ffordd o fynd i'r afael â nhw.

Gweithio gyda staff o fewn yr CGC a Thîm(au) Ardal i ddatblygu tîm integredig effeithiol i gyflawni cynlluniau ac amcanion gweithredol yr CGC a sicrhau darpariaeth gwasanaethau gofal cychwynol effeithiol ac o asawdd uchel.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.