Trosolwg o'r swydd

Rydym yn dymuno penodi Cynorthwyydd Ffisiotherapi Band 4 i ddod yn rhan o'n tîm deinamig sy'n darparu gwasanaethau ffisiotherapi cymunedol i oedolion ag anableddau dysgu. Bydd yr ymgeisydd llwyddiannus yn cynorthwyo'r Ffisiotherapyddion sy'n gweithio gydag oedolion ag anabledd dysgu ledled Sir y Fflint (ac yn Wrecsam ar brydiau) mewn amrywiaeth o leoliadau, gan gynnwys cartrefi, canolfannau dydd a chlinigau.

Bydd deilydd y swydd yn atebol i'r uwch ffisiotherapyddion, a bydd y gwaith yn cynnwys ystod eang o ddyletswyddau clinigol gan gynnwys cynorthwyo therapyddion i gyflawni rhaglenni therapi ar gyfer grwpiau ac unigolion. Ar ôl cael cyfarwyddyd gan ffisiotherapydd cymwysedig, bydd yr hyfforddwr technegol ffisiotherapi yn cynnal sesiynau gydag oedolion (unigolion a grwpiau) heb oruchwyliaeth uniongyrchol ond dan arweiniad ffisiotherapydd cymwysedig. Bydd hynny yn cynnwys cynorthwyo â sesiynau triniaeth ar gyfer grwpiau, symud, codi a chario, a gosod dan oruchwyliaeth a heb oruchwyliaeth, sesiynau asesu a thrin, rhaglenni ymarfer corff ar gyfer unigolion, asesiadau o symudedd a darparu mân gymhorthion ac addysgu pobl i'w defnyddio'n ddiogel, e.e. fframiau cerdded ag olwynion. Darperir goruchwyliaeth. Yn ddelfrydol, dylai ymgeiswyr fod â phrofiad blaenorol o weithio gydag oedolion ag anableddau mewn lleoliad gofal a bod â dirnadaeth bendant o waith Ffisiotherapydd gydag oedolion ag anableddau dysgu.

Prif ddyletswyddau'r swydd

Bydd deilydd y swydd yn cynorthwyo'r tîm sy'n darparu gwasanaethau ffisiotherapi cymunedol i oedolion ag anableddau dysgu i gyflawni gofal ar gyfer cleifion sy'n oedolion mewn lleoliadau cymunedol ledled Sir y Fflint (ac yn Wrecsam ar brydiau) a chynnal safonau'r gofal hwnnw trwy ymgymryd â rhaglenni rheoli clinigol dirprwyedig a rhywfaint o ddyletswyddau gweinyddol i gynorthwyo i redeg yr adran. Bydd y dyletswyddau clinigol a gweinyddol penodol yn amrywio gan ddibynnu ar y lleoliad.

Bydd yn rhaid i ddeilydd y swydd allu helpu i flaenoriaethu ei lwyth gwaith, gan reoli amser yn effeithlon ac amlygu'r gallu i weithio gydag oedolion ag amrywiaeth eang o anghenion dysgu ac anghenion corfforol ychwanegol. Bydd y gwaith yn cynnwys llawer iawn o gyswllt â nifer o weithwyr proffesiynol eraill yn ogystal â pherthnasau a gofalwyr, dros y ffôn, trwy ohebiaeth ysgrifenedig, ac wyneb yn wyneb. Felly, bydd yn ofynnol i ddeilydd y swydd amlygu sgiliau cyfathrebu rhagorol a dylai allu gweithredu'n dringar, yn ddoeth ac amyneddgar bob amser.

Mae rhaglen ddatblygu gynhwysfawr ar gael i'r ymgeisydd a fydd yn cynnwys cymorth rheolaidd a hyfforddiant uniongyrchol, sesiynau goruchwylio rheolaidd a chyfleoedd hyfforddiant mewnol ac allanol.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.