Trosolwg o'r swydd

Mae'r gallu i siarad Cymraeg yn hanfodol ar gyfer y swydd hon.

Dyma gyfle cyffrous i ymuno â’n Gwasanaeth Ymyrraeth Gynnar, Atal a Hyrwyddo CAMHS (EIPPS) prysur a deinamig yng Ngwynedd ac Ynys Môn. Rydym yn croesawu ceisiadau gan unigolion ymroddedig a thosturiol sydd â diddordeb mewn dod yn rhan o’n tîm. Bydd gan yr ymgeisydd llwyddiannus gymhwyster proffesiynol sy’n bodloni’r meini prawf cymhwysedd a ddiffinnir gan Fesur Iechyd Meddwl 2010 (e.e. Nyrs Iechyd Meddwl Gofrestredig (RMN), Gweithiwr Cymdeithasol, Therapydd Galwedigaethol ac ati).

Rydym yn dymuno recriwtio Ymarferydd EIPPS Band 6 llawn amser i ymuno â’r tîm Ymyrraeth Gynnar, Atal a Hyrwyddo CAMHS presennol. Mae’r rôl wedi’i lleoli ym Mhenrallt, Caernarfon, gyda disgwyliad o ddarparu gwasanaethau ar draws rhanbarth BIPBC Ardal y Gorllewin, gan ganolbwyntio’n bennaf ar Ynys Môn.

Mae’r rôl yn cynnwys cefnogi gweithwyr proffesiynol rheng flaen yn y gymuned sy’n gweithio gyda phlant, pobl ifanc a theuluoedd sy’n wynebu pryderon sy’n ymwneud ag iechyd meddwl a lles. Mae'n swydd amrywiol a boddhaus, yn bennaf o fewn tîm EIPPS CAMHS, sy'n darparu ymgynghoriadau arbenigol sy’n seiliedig ar dystiolaeth i weithwyr proffesiynol a'r system ehangach. Mae’r tîm hefyd yn cynnig sesiynau hyfforddi, digwyddiadau, gwaith grŵp a chyngor cynnar i ysgolion a’r gymuned ehangach. Y nod yw meithrin sgiliau a chapasiti eraill i ymateb yn effeithiol i’r anghenion emosiynol a meddyliol sy’n dod i’r amlwg ymhlith plant a phobl ifanc.

Prif ddyletswyddau'r swydd

Mae tim MGY CAMHS yn  gweithredu ar fodel sy’n cynnig : ymgynghoriadau, hyfforddiant, gwaith grwp a chyngor cynnar er mwyn atgyfnerthu gallu a medusrwydd eraill i ymateb yn gadarnhaol i anghenion iechyd emosiynol a iechyd meddwl plant a phobol ifanc. Dylanwadir elfennau yma o’r rol gan egwyddorion Fframwaith NYTH (iechyd meddwl a lles): cyflwyniad | LLYW.CYMRU. Yn ogystal mae’r gallu i sefydlu partneriaethau ystyrlon gyda dysgwyr, athrawon, rhieni/gofalwyr, ymarferyddion addysg ategol a’r rhwydwaith amlasinathaethol; yn hanfodol a diffinir hyn drwy Fframwaith ar sefydlu dull ysgol gyfan ar gyfer llesiant emosiynol a meddyliol | LLYW.CYMRU.

Mae'r gallu i siarad Cymraeg a teithio ar draws y ddwy sir yn hanfodol ar gyfer y gwasanaeth. 

Am wybodaeth bellach ar prif ddyletwydd y swydd cysylltwch â Dawn Roberts (Arweinydd Tîm EIPP) ar 03000 852450 neu anfonwch e-bost at Dawn Roberts  on 03000 0852450 at [email protected]

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.