Trosolwg o'r swydd

Mae'r swydd Eiriolwr Nyrsio Proffesiynol (PNA) yn cynnig cyfle cyffrous i nyrs sy'n frwd dros hwyluso goruchwyliaeth, hyfforddiant a chefnogi iechyd a lles eu cydweithwyr yn y maes nyrsio.  Bwriedir i bob nyrs gymunedol/nyrs ardal sy’n gwasanaethu gwasanaethau nyrsio cymunedol Gwynedd ac Ynys Môn gael mynediad at gymorth gan PNA a gyflawnir drwy ddefnyddio dull gwella ansawdd parhaus.

Bydd deilydd y swydd yn cydweithio â metronau nyrsio ardal ac arweinwyr timau i arwain cyfarwyddebau strategol y gwasanaethau mewn perthynas â rôl yr Eiriolwr Nyrsio Proffesiynol (PNA). Mae hyn yn cynnwys arwain a chydlynu gweithgareddau rôl yr PNA trwy hwyluso goruchwyliaeth glinigol adferol ar gyfer nyrsys cymunedol. Bydd deilydd y swydd hefyd yn gyfrifol am ddarparu hyfforddiant goruchwylio clinigol y sefydliad i staff.

Byddwch yn ddelfryd ymddwyn ac yn llysgennad i hybu lles a grymuso staff nyrsio a’u cynorthwyo i sicrhau safonau uchel o ran y gofal a roddir i gleifion a blaengareddau gwella ansawdd yn y gweithle, gan ysbrydoli diwylliant sy'n rhoi pwyslais ar wella diogelwch cleifion a phrofi canlyniadau gwell er lles ein staff a'n gwasanaeth.

Byddwch yn arweinydd amlwg, yn cynnig sicrwydd i fetronau cymunedol a phenaethiaid nyrsio bod cymorth, goruchwyliaeth a goruchwyliaeth glinigol adferol ar gyfer staff yn cael eu darparu yn yr holl wasanaethau nyrsio cymunedol.

Prif ddyletswyddau'r swydd

Byddwch yn ymgymryd â rôl PNA trwy hwyluso Goruchwyliaeth Glinigol Adferol gyda nyrsys yn y sefydliad, i gynorthwyo nyrsys i nodi eu camau gweithredu personol eu hunain at ddibenion gwella ansawdd a datblygu gyrfa a defnyddio eu dirnadaeth o gadernid personol a phroffesiynol i gynorthwyo eraill i ddatblygu'r rhinwedd hwn.

Bydd deilydd y swydd yn datblygu ac yn meithrin perthnasoedd gwaith effeithiol ag ystod eang o dimau, gwasanaethau ac asiantaethau a bydd yn sicrhau bod gwerthoedd, safbwyntiau, polisïau a gweithdrefnau’r Bwrdd Iechyd yn cael eu hyrwyddo a'u cyfleu bob amser. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.