Trosolwg o'r swydd

Bydd deiliad y swydd yn darparu cymorth ysgrifenyddol / clercol cynhwysfawr a llawn i'r Tîm PICSS.

Bydd deiliad y swydd yn darparu gwasanaeth gweinyddol ar gyfer addysg / diwrnodau astudio / rhaglenni hyfforddiant staff clinigol a disgwylir iddynt hwyluso archwiliadau drwy gasglu gwybodaeth, mewnbynnu data i gronfeydd data a chwblhau adroddiad data presenoldeb hyfforddiant ar gyflyrau penodol i'r is-adran.

Bydd deiliad y swydd yn cydweithio'n agos gyda'r rheolwr i gynorthwyo'r gwaith o gynnal y system Cofnodion Staff Electronig. Mae hyn yn cynnwys tasgau fel tynnu data o'r system Cofnodion Staff Electronig, lanlwytho gwybodaeth i'r system a chreu adroddiadau.

Bydd deiliad y swydd yn darparu cymorth gweinyddol effeithlon i'r Gwasanaethau Comisiynu Arbenigol fel y bo angen.

The ability to speak Welsh is desirable for this post; English and/or Welsh speakers are equally welcome to apply.

Prif ddyletswyddau'r swydd

Gweithio o fewn eu gwybodaeth a'u harbenigedd eu hunain a pholisïau BIPBC.

Cynllunio a threfnu eu baich gwaith eu hunain.

Cynnal dogfennaeth a sicrhau bod y gwaith paratoi wedi'i gwblhau ar gyfer y rhaglenni hyfforddiant i staff ledled BIPBC.

Helpu staff PICSS i ddarparu gwybodaeth gywir a chynnal cronefydd data ar raglenni hyfforddiant.

Cadw adroddiadau gwasanaeth benodol er mwyn gwella darpariaeth.

Gosod archebion ar system archebu Oracle gan sicrhau bod archebion yn cwrdd â'r terfyn amser gofynnol a sicrhau y caiff unrhyw archebion hwyr eu hôlrhain.

Hwyluso'r broses o gasglu data at ddibenion archwilio: e.e. data presenoldeb ar ddigwyddiadau hyfforddiant Darparu cymorth ar y system Cofnodion Staff Electronig i'r rheolwr tîm.

Cyfathrebu gwybodaeth yn ysgrifenedig ac ar lafar i aelodau o'r tîm amlddisgyblaethol.

Derbyn ac ymdrin â gwybodaeth sensitif dros y ffôn, ffacs neu e-bost.

Adrodd yn rheolaidd i'r swyddogion arweiniol tîm mewn perthynas â rheoli llwyth gwaith, sut y caiff ei reoli ac unrhyw broblemau sy'n codi.

Cyfathrebu gyda gweithwyr proffesiynol gofal iechyd cyhoeddus a chadw cofnod o bob gohebiaeth.

Defnyddio crebwyll wrth ymdrin â'r staff mewn perthynas ag ymholiadau cleifion.

Gweithredu fel ffynhonell gwybodaeth o fewn eu cyfyngiadau neu wybodaeth eu hunain gan gyfeirio ymholiadau i aelodau eraill o'r tîm fel y bo'n briodol.

Sicrhau y caiff nodiadau a chofnodion cleifion eu ffeilio'n briodol a'u bod ar gael yn hawdd i'r tîm eu defnyddio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.