Trosolwg o'r swydd

Mae gan y Tîm Fferylliaeth a Rheoli Meddyginiaethau Gofal Sylfaenol a Chymunedol Canolog gyfle i recriwtio Technegydd Fferylliaeth brwdfrydig a rhagweithiol i arwain gwasanaethau ysbytai cymunedol, ynghyd â darparu goruchwyliaeth a chymorth proffesiynol i meddygfeydd y Bwrdd Iechyd. Bydd gan yr ymgeisydd llwyddiannus brofiad helaeth o weithio o fewn tîm amlddisgyblaethol a chymryd rhan mewn gwelliant gwasanaeth. Bydd yr unigolyn yn cefnogi datblygu a gweithredu ffyrdd arloesol o weithio, a fydd yn arwain at welliannau mewn gofal a phrofiad cleifion, ac yn darparu effeithlonrwydd i’r sefydliad a staff. Wrth i ni weithredu ‘ePMA’ ar draws ein safleoedd ysbytai cymunedol, mae’r rôl hon yn cynnig cyfle cyffrous i’r unigolyn arwain a chefnogi’r tîm trwy gyfnod o newid.

Rydym wedi ymrwymo i ddarparu gofal o’r ansawdd gorau, ac mae angen unigolyn ymroddedig, profiadol a medrus arnom i helpu i gyflawni hyn.

Lleolir y rôl yn y Gymuned Iechyd Integredig Canolog, a bydd angen i’r unigolyn ddarparu cymorth ledled y Gymuned Iechyd Integredig. Un o'r blaenoriaethau allweddol fydd i gefnogi y Prif Dechnegydd Fferylliaeth i gyflawni gweledigaeth fferylliaeth ar gyfer y dyfodol ac i archwylio ffyrdd o weithredu effeithlonrwydd, datblygu staff a systemau i alluogi hyn tra yn sicrhau bod ein gweledigaeth a'n nodau yn cyd-fynd â strategaeth "Fferylliaeth: Cyflawni Cymru Iachach".

Prif ddyletswyddau'r swydd

Felly, os ydych chi'n chwilio am her newydd i ehangu eich portffolio, ysgwyddo mwy o gyfrifoldeb a chael cyfle i weithio mewn sawl maes o fferylliaeth o fewn yr ardal canol, gallai hon fod yn swydd ddelfrydol i chi.

Mae'r gallu i siarad Cymraeg yn ddymunol ar gyfer y swydd hon; mae'r un croeso i siaradwyr y Gymraeg a/neu'r Saesneg ymgeisio am y swydd.

Prif ddyletswyddau'r swydd

Disgwylir i'r Technegydd Fferylliaeth fynd ati'n eithaf annibynnol i gyflawni'r dyletswyddau a ddyrennir o fewn y cyfyngiadau a bennir gan yr Uwch Dechnegydd Fferylliaeth ac yn unol â pholisïau a gweithdrefnau'r adran a rhai'r Bwrdd Iechyd.

I fod yn gyfrifol am arweinyddiaeth brofessiynol, datblyigad a rheolaeth technegwyr fferyllfa a staff cymorth o fewn yr ardal ganolog o’r gymuned Iechyd Integredig Canolog.

Yn gyfrifol am ysgogi, cychwyn a chydlynu gweithrediad archwilio, ymchwil ymarfer a gweithgaredd datblygu a wneir gan staff cymorth fferyllol.

Arwain a chynorthwyo meysydd a phrosiectau o waith penodol, datblygu strategaethau ar gyfer gwella gwasanaethau sy’n adlewyrchu amcanion proffesiynol a chorfforaethol ar y cyd ag uwch reolwyr fferylliaeth.

Cefnogi’r Uwch Reolwr Gweithrediadau Fferylliaeth Ysbyty a’r Brif Dechnegydd Fferylliaeth i gyflawni agenda y bwrdd iechyd ac agenda genedlaethol o fewn y bwrdd iechyd.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.