Trosolwg o'r swydd

Gan weithio fel rhan o'r Gwasanaeth Diogelu Iechyd, bydd deiliad y swydd yn darparu cymorth cydlynu a gweinyddu ar lefel uchel ar draws Rhanbarth Gogledd Cymru. Bydd deiliad y swydd yn gweithio o’i leoliad gwaith dynodedig neu fel rhan o dîm allgymorth ystwyth sy’n wynebu cleifion, mewn unrhyw leoliad yng ngogledd Cymru.  

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

• Pwynt cyswllt cyntaf ar gyfer y Tîm Diogelu Iechyd dros y ffôn, drwy e-bost a gohebiaeth. Rhoi cyngor ar ystod eang o faterion sy'n ymwneud â’r Gwasanaeth Diogelu Iechyd, gan eu datrys neu eu cyfeirio at yr unigolyn mwyaf addas yn ystod cyfnodau pan na fydd yn y swyddfa.
• Gweithio’n hyderus, a chyfathrebu’n effeithiol ag aelodau eraill o’r tîm Diogelu Iechyd a Bwrdd Iechyd Prifysgol Betsi Cadwaladr, a sefydliadau trydydd parti eraill, fel Iechyd Cyhoeddus Cymru a’r Awdurdod Lleol.
• Cynllunio a threfnu cyfarfodydd, gan gynnwys llunio agendâu a chymryd cofnodion ffurfiol a'u trawsgrifio.
• Delio â dogfennau/materion sensitif a chyfrinachol, gan gynnal y cyfrinachedd a’r disgresiwn pennaf bob amser. Gall hyn gynnwys gwybodaeth o natur drallodus. 
• Bod yn gyfrifol am archebu holl ofynion, nwyddau a gwasanaethau'r swyddfa drwy system Oracle. Cyflwyno anfonebau a derbynebau.  Sicrhau’r pris gorau a gwerth am arian.  Trefnu i groesgyfeirio anfonebau yn fewnol gydag adrannau eraill neu'n allanol pan fo angen.  Cynnal lefelau stoc ddigonol o ddeunydd swyddfa yn yr holl swyddfeydd.
• Delio â dogfennau/materion sensitif a chyfrinachol, gan gynnal y cyfrinachedd a’r disgresiwn pennaf bob amser. Gall hyn gynnwys gwybodaeth o natur drallodus.
• Paratoi papurau ac adroddiadau gan ddefnyddio pecyn Microsoft Office.
• Cyflawni dyletswyddau eraill fel sy’n ofynnol o bryd i'w gilydd, fel sy'n gymesur â theitl y swydd.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.