Trosolwg o'r swydd

Ydych chi erioed wedi meddwl sut beth fyddai gyrfa ym maes Adnoddau Dynol neu Recriwtio?

Rydym yn chwilio am Gynorthwyydd Gwasanaethau Pobl, wedi'i leoli yn Preswylfa Yr Wyddgrug , gan gefnogi ein timau Adnoddau Dynol a Recriwtio.

Yn y rôl hon byddwch yn ddarparu cymorth gweinyddol i'r timau Gwasanaethau Pobl, gan weithredu fel y pwynt cyswllt cyntaf gyda dealltwriaeth o sut buasai yrfa yn y disgyblaethau hyn yn edrych.

Mae'n amgylchedd prysur ac nid yw dau ddiwrnod yr un fath. Byddwch yn rhan o ein tîm cefnogol ac ymgysylltiol, mae ein gwaith yn dod â ni fewn I gysylltiad gyda amrywiaeth eang o bobl a sefyllfaoedd yn ddyddiol. Rydym yn cymryd ymagwedd gwasanaeth cwsmeriaid tuag at bopeth rydym yn gwneud.

Er mwyn manteisio i'r eithaf ar y cyfle hwn, bydd angen sgiliau TG cryf arnoch (Microsoft Office yn bennaf), profiad gweinyddol blaenorol a'r gallu i flaenoriaethu tasgau a rheoli eich amser. Bydd angen i chi fod yn hyderus wrth ymgysylltu ag ymholiadau dros y ffôn, e-bost ac mewn person.

Prif ddyletswyddau'r swydd

Bydd deiliad y swydd yn cefnogi holl weithgareddau Adnoddau Dynol a Recriwtio ar gyfer y Gorllewin a bydd yn cefnogi gweithgareddau oddi ar y safle gan ddarparu cymorth sydd yn hwyluso digwyddiadau AD, Recriwtio a gyrfaoedd.

Bydd deiliad y swydd yn gweithio'n effeithiol fel aelod allweddol o'r tîm Gwasanaethau Pobl drwy ddarparu cefnogaeth weinyddol effeithlon, gywir a phrydlon gan gynnwys y dderbynfa, llungopïo, ffeilio, ateb galwadau ffôn, cymeryd cofnodion mewn cyfarfodydd, adroddiadau a rhannu data ac ati.

Mae'r gallu i siarad Cymraeg yn ddymunol ar gyfer y swydd hon: gwahoddir siaradwyr Cymraeg a/neu Saesneg i wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.