Trosolwg o'r swydd

Dyma gyfle gwych i ymuno â Gwasanaeth Awdioleg Gogledd Cymru fel gwyddonydd clinigol cofrestredig i gynorthwyo i ddarparu gwasanaeth Awdioleg oedolion a phediatreg o ansawdd uchel a wasanaethir gan BIPBC, ar gyfer poblogaeth Gogledd Cymru. Bydd y swydd gyfunol hon yn cynnwys tridiau gyda'r tîm oedolion a dau ddiwrnod gyda'r tîm pediatrig. Bydd deilydd y swydd yn cyflawni dyletswyddau o fewn y gwasanaeth Awdioleg yn unol â’r disgrifiad swydd. Yn dibynnu ar sgiliau ac anghenion y gwasanaeth, efallai y bydd ffocws ar awdioleg ddiagnostig, adsefydlu uwch, anableddau dysgu/dementia neu dinitws. Mae profiad pediatrig yn hanfodol; darperir hyfforddiant mewn meysydd arbenigol eraill yn ôl yr angen. 

Bydd cyfrifoldeb ar y deilydd i hyfforddi a goruchwylio staff clinigol eraill a bydd yr ymgeisydd llwyddiannus hefyd yn rheolwr llinell i staff iau. 

Lleolir y swydd yn Ysbyty Glan Clwyd ond bydd gofyn teithio i safleoedd eraill ledled Gogledd Cymru. Mae hwn yn gyfle delfrydol i ddatblygu eich sgiliau clinigol, ymchwiliol a sgiliau datblygu gwasanaeth mewn amgylchedd cefnogol a blaengar. 

Mae'r gallu i siarad Cymraeg yn ddymunol ar gyfer y swydd hon.

Prif ddyletswyddau'r swydd

 Mae hwn yn gyfle delfrydol i ddatblygu sgiliau clinigol a datblygiad gwasanaeth ymhellach mewn amgylchedd cefnogol a blaengar.   Bydd cyfrifoldeb dros hyfforddi a goruchwylio staff clinigol eraill ble’n briodol.   Mae’r tîm Awdioleg yn cynnwys Gwyddonwyr Clinigol, Awdiolegyddion, Awdiolegyddion Cysylltiol a Chynorthwyol.  Mae’r tîm yn ymroddedig i ddatblygiad a chyflwyniad gwasanaethau o ansawdd uchel gyda’r claf yn ganolog. 

Mae’r gallu siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg i ymgeisio.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.