Trosolwg o'r swydd

Rydym yn falch o allu cynnig rôl Ymarferydd  Therapi  Cynorthwyol Band 4 newydd o fewn y Tîm Rheoli Pwysau Pediatrig Lefel 3 sy'n gweithredu ledled ardal BIPBC. Mae'r gwasanaeth cymharol newydd hwn yn dymuno penodi unigolyn cryf ei gymhelliant sy'n frwdfrydig ynghylch helpu plant a theuluoedd i ymuno â'r tîm amlddisgyblaethol.

Bydd yn cydweithio â'r therapyddion  i helpu i chwalu rhwystrau (beth bynnag y bônt!) i helpu plant i ymgysylltu a gosod nodau bychan a chynaliadwy i wella eu hiechyd tra byddant yn mynychu’r rhaglen 12 mis Helpa Fi i Fod yn Iach. Mae gordewdra ymhlith plant yn fater aml-ffactor, felly bydd angen agwedd hyblyg i deilwra cymorth i bob plentyn a mynd i’r afael â’u hanghenion penodol. Gallai'r anghenion hynny gynnwys rhai emosiynol, ymddygiadol, meddyliol a/neu gorfforol felly eir i’r afael ag  elfennau maeth, ymarfer corff/gweithgareddau a ffordd o fyw iach

Prif ddyletswyddau'r swydd

Bydd y rôl yn cynnwys tasgau gweinyddu, cydlynu a chynllunio darpariaeth y gwasanaeth a goruchwyliaeth cyson o gynorthwywyr.  Bydd hefyd  angen cynnal sesiynau grŵp (rhai rhithiol yn bennaf), gyda rhywfaint o waith un i un, a bydd angen cydweithio'n agos ag aelodau'r tîm amlddisgyblaethol ehangach. Bydd gan yr ymgeisydd llwyddiannus ddull sy'n rhoi pwyslais naturiol ar wella ansawdd, a bydd yn helpu'r tîm ehangach i gefnogi newidiadau parhaus a fydd maes o law yn sicrhau deilliannau buddiol i'r plant sy'n rhan o'r rhaglen.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.