Trosolwg o'r swydd

NODER MAI DIM OND CEISIADAU GAN STAFF A GYFLOGIR GAN IECHYD CYHOEDDUS CYMRU AR HYN O BRYD Y BYDDWN YN EU DERBYN

MAE’R SWYDD HON AM GYFNOD SECONDIAD AM 12 MIS OHERWYDD CYLLIDO

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON. 

MEWNOL I BERFFORMIAD A GWELLA GIG CYMRU ac IECHYD CYHOEDDUS CYMRU

Mae cyfle cyffrous wedi codi i ymuno â Chyfarwyddiaeth Cynllunio a Chyflawni Ariannol Gweithrediaeth GIG fel Uwch Wyddonydd Data. Byddwch yn ymuno â thîm arloesol a llwyddiannus sy’n angerddol dros sicrhau gwerth yn GIG Cymru, gan ddarparu golwg ar y system ehangach drwy driongli canlyniadau cleifion, data ariannol a gweithgaredd gofal iechyd, a chefnogi cynaliadwyedd ariannol a gwelliant ar draws y system.

Fel y mae proffil ac enw da’r Gyfarwyddiaeth wedi cynyddu ers ei sefydlu, felly hefyd y galw am ei harbenigedd a’i dealltwriaeth. Rydym yn ehangu’r tîm mewn nifer o feysydd allweddol, gan gynnwys dadansoddeg, gwybodeg, gwyddor data a strategaeth a rheolaeth ariannol.

Mae’n amser cyffrous i unigolion sydd â’r cymhelliant a’r uchelgais i ymuno â’r tîm gyda rhaglen waith ac agenda gynyddol, ac sy’n awyddus i wneud gwahaniaeth yn GIG Cymru.

Prif ddyletswyddau'r swydd

Mae'r swydd hon yn eistedd o fewn cyfarwyddiaeth Cynllunio a Chyflawni Ariannol Gweithrediaeth y GIG.

Er mwyn helpu i ddarparu gwybodaeth ddefnyddiol, rydym wedi datblygu Canolfan Ragoriaeth Dadansoddeg, sy’n arwain datblygiad cynhyrchion uchel eu hansawdd sy’n darparu dealltwriaeth a deallusrwydd i ystod eang o rhanddeiliaid, gan gynnwys gweithwyr cyllid proffesiynol, clinigwyr, byrddau a thimau gweithredol.  Rydym yn awyddus i ehangu’r tîm hwn drwy recriwtio gweithwyr gwybodeg proffesiynol ymroddedig i weithio ochr yn ochr â’n dadansoddwyr busnes.  

Mae rhaglen waith yr Uned yn canolbwyntio ar y pedair thema ganlynol:-

•    Deallusrwydd a Dealltwriaeth;
•    Cefnogaeth a Her;
•    Gofal Iechyd seiliedig ar Werth; 
•    Ymarfer Rheoli Ariannol gorau;  Cynllunio a Monitro; ac
•    Arweinyddiaeth a Datblygiad.

Bydd y Uwch Wyddonydd Data yn chwarae rhan holl bwysig mewn 

•    datblygu atebion arloesol i broblemau cymhleth
•    llywio a chyplysu setiau data mawr
•    sicrhau ansawdd a dilysu data
•    cynhyrchu delweddiadau data o ansawdd uchel i ddangos amrywiaeth ac amlygu negeseuon a themâu allweddol
•    sicrhau’r cyfleoedd arloesol gorau o safbwynt roboteg a dadansoddeg ragfynegol; a 
•    chyflawni prosiectau uchel eu proffil, gan gyfrannu at gyflawni ein llifoedd gwaith.  

Gweithio i'n sefydliad

Mae Gweithrediaeth y GIG yn gweithio mewn partneriaeth ar gyfer Llywodraeth Cymru yn a chyda GIG Cymru ac mae’n cael ei lletya gan Iechyd Cyhoeddus Cymru.

Ein prif bwrpas yw ysgogi gwelliannau o ran ansawdd a diogelwch gofal - gan arwain at ganlyniadau, mynediad a phrofiad gwell a thecach i’r claf gyda llai o amrywiad, a gwelliannau o ran iechyd y boblogaeth.

Gwnawn hyn drwy ddarparu arweinyddiaeth a chyfeiriad strategol cryf – gan alluogi, cefnogi a chyfarwyddo GIG Cymru i drawsnewid gwasanaethau clinigol yn unol â blaenoriaethau a safonau cenedlaethol.

I ddarganfod mwy am weithio i ni a'r buddion rydym yn eu cynnig, ewch i Gyrfaoedd - Iechyd Cyhoeddus Cymru (gig.cymru)

I gael arweiniad ar y broses ymgeisio, ewch i Gwybodaeth a Chanllawiau i Ymgeiswyr - Iechyd Cyhoeddus Cymru (gig.cymru)