Trosolwg o'r swydd

Hoffech chi weithio shifftiau hyblyg sy’n cyd-fynd â’ch bywyd? 

Band 2 £13.74 (inc WTD payment)

Mae Bwrdd Iechyd Prifysgol Caerdydd a’r Fro am recriwtio Gweithwyr Cymorth Gofal Iechyd i ymuno â’n Banc Staffio Dros Dro. Fel HCSW, byddwch wrth wraidd popeth a wnawn, gan gefnogi'r meddygon, nyrsys ac arbenigwyr a sicrhau bod y claf yn cael y gofal gorau posibl. 

Bydd yr ymgeiswyr llwyddiannus yn ymwneud â gofal uniongyrchol ac anuniongyrchol ein cleifion yn unol â phrotocolau y cytunwyd arnynt. Gall rhai o’r dyletswyddau gynnwys:  

- Cynorthwyo gyda gweithgareddau bywyd bob dydd fel bwyta, cael cawod a defnyddio'r toiled. 

- Cymryd arsylwadau'r claf fel pwysedd gwaed a thymheredd. 

- Siarad â chleifion a rhoi sicrwydd iddynt. 

- Cynorthwyo nyrsys a staff eraill pan fo angen.

- Sicrhau safon uchel o weithdrefnau rheoli heintiau, yn unol â’n polisïau. 

- Cynnal stoc wardiau, cadw stordai yn drefnus, cadw mannau ac offer clinigol yn lân ac yn daclus, ac unrhyw ddyletswyddau eraill a ddirprwyir gan staff nyrsio. 

Sylwch, byddwch yn derbyn hyfforddiant llawn fel rhan o'r rôl. 

Prif ddyletswyddau'r swydd

I weithio yn ein tîm, bydd angen i chi ddangos y gwerthoedd craidd fel y nodir gan Fwrdd Iechyd Prifysgol Caerdydd a’r Fro;  

-Bod yn garedig ac yn ofalgar;  Bod yn barchus;  Ymddiriedaeth ac uniondeb;  Cyfrifoldeb personol. 

Trwy ymuno â'n tîm o fewn y Banc Staffio Dros Dro, chi sy'n rheoli faint o shifftiau a phryd yr hoffech chi weithio, gan eich helpu i gyflawni'r cydbwysedd perffaith rhwng bywyd a gwaith. 

Lleolir cyfleoedd yn Ysbyty Athrofaol Cymru, Ysbyty Athrofaol Llandochau gan gynnwys Ysbyty Iechyd Meddwl Hafan y Coed, Ysbyty Dewi Sant neu o fewn y gymuned leol. 

Mae llawer o fanteision i weithio o fewn ein Banc Staffio Dros Dro, sy’n cynnwys: 

- Gweithio oriau hyblyg sy’n addas i chi. 

- Blaenoriaeth dros weithwyr asiantaeth. 

- Dewis o dâl wythnosol neu fisol. 

- Cael eich trin fel ymgeisydd mewnol os ydych chi’n dymuno gwneud cais am unrhyw rolau parhaol o fewn Bwrdd Iechyd y Brifysgol. 

- Mynediad at ystod o fuddion, megis Cynllun Pensiwn y GIG a Gostyngiadau i Staff. 

- Ennill profiad o gefnogi a darparu gwasanaethau o fewn Bwrdd Iechyd Prifysgol mawr. 

- Mynediad at ein gwasanaethau cymorth staff, fel ein Gwasanaeth Lles Gweithwyr. 

- Cyfleoedd amrywiol i adeiladu ar eich gwybodaeth a’ch set sgiliau cyfredol. 

Os ydych yn rhannu ein gwerthoedd ac yn dymuno ymuno â'n Banc Staffio Dros Dro - byddem wrth ein bodd yn derbyn eich cais! 

Gweithio i'n sefydliad

Bwrdd Iechyd Prifysgol Caerdydd a’r Fro yw un o’r Byrddau Iechyd Integredig mwyaf yn y DU, yn cyflogi dros 15,000 o staff ac yn darparu dros 100 o wasanaethau arbenigol. Mae gennym amrywiaeth o yrfaoedd i’w cynnig ar draws 6 safle ysbyty. Gan wasanaethu tua 500,000 o bobl sy’n byw yng Nghaerdydd a’r Fro, ein ffocws yw anghenion iechyd a gofal ein poblogaeth leol a gwaith partneriaeth i ddatblygu gwasanaethau rhanbarthol.

Ein cenhadaeth yw “Gofalu am Bobl, Cadw Pobl yn Iach”, a’n gweledigaeth yw y dylai siawns pob unigolyn o fyw bywyd iach fod yn gyfartal. Fel sefydliad rydym yn ddiedifar uchelgeisiol dros iechyd ein poblogaeth, gan ymateb i heriau heddiw ac yfory drwy ein strategaeth 10 mlynedd, Llunio ein Llesiant i’r Dyfodol. Rydym yn cyfrannu at Gymru iachach, gyda phwyslais mawr ar arloesi a gwella, gan ddysgu oddi wrth eraill ledled y byd ac arwain y ffordd mewn ymchwil glinigol. Mae gwaith partneriaeth yn gadarn yng Nghaerdydd a’r Fro, ac rydym yn gweithio’n agos gyda’n staff a’n cymuned.

Mae Caerdydd, prifddinas ffyniannus Cymru, yn ddinas wych i fyw a gweithio ynddi sy’n cynnig llwyth o atyniadau chwaraeon, celfyddydau a diwylliannol. Wedi’i leoli i’r gorllewin o Gaerdydd, mae Bro Morgannwg yn cynnig cyfuniad o gefn gwlad hardd Cymru ac arfordir naturiol dramatig. P’un ai’n fywyd dinesig neu’n fywyd gwledig, mae Caerdydd a’r Fro yn cynnig y gorau o’r ddau fyd.