NHSJobs.com

Trosolwg o'r swydd

Bod yn gyfrifol am asesu anghenion gofal a datblygu, gweithredu a gwerthuso 
rhaglenni gofal heb gyfarwyddyd na goruchwyliaeth. 

Goruchwylio arferion a gweithdrefnau staff nyrsio anghofrestredig er mwyn sicrhau arfer nyrsio effeithiol.

Hoffech chi weithio sifftiau hyblyg sy’n cyd-fynd â’ch bywyd? 

Mae Bwrdd Iechyd Prifysgol Caerdydd a’r Fro yn dymuno recriwtio Nyrsys Cofrestredig i ymuno â’n Banc Nyrsys. 

Bydd gofyn i ddeiliad y swydd weithio’n agos gyda’r ward a thimau amlddisgyblaethol i ddarparu gofal diogel ac effeithiol i’n cleifion. 

Byddwch yn gyfrifol am asesu, cynllunio, gweithredu a gwerthuso rhaglenni gofal o dan oruchwyliaeth anuniongyrchol aelodau uwch o staff. 

Prif ddyletswyddau'r swydd

I weithio yn ein tîm, bydd angen i chi ddangos y gwerthoedd craidd fel y nodir gan Fwrdd Iechyd Prifysgol Caerdydd a’r Fro; Bod yn garedig ac yn ofalgar ; Bod yn barchus; Ymddiriedaeth ac uniondeb; Cyfrifoldeb personol. 

Trwy ymuno â’n tîm i weithio sifftiau banc, gallech gael y cydbwysedd perffaith rhwng bywyd a gwaith. 

P’un a ydych am gael mwy o brofiad, gwella eich sgiliau presennol neu, yn syml, ennill mwy o arian bob mis – gwnewch gais i weithio sifftiau banc ac edrych ymlaen at ystod o gyfleoedd gyrfa cyffrous yn Ysbyty Athrofaol Cymru, Ysbyty Athrofaol Llandochau, gan gynnwys Ysbyty Iechyd Meddwl Hafan y Coed, Ysbyty Dewi Sant neu o fewn y gymuned leol. 

Mae llawer o fanteision i weithio sifftiau banc, sy’n cynnwys:- 

Gweithio oriau hyblyg sy’n eich siwtio chi. 

Blaenoriaeth dros weithwyr asiantaeth. 

Dewis o dâl wythnosol neu fisol. 

Cael eich trin fel ymgeisydd mewnol os ydych chi’n dymuno gwneud cais am unrhyw rolau parhaol o fewn y Bwrdd Iechyd Prifysgol. 

Mynediad at ystod o fuddion, megis Cynllun Pensiwn y GIG a Gostyngiadau i Staff. 

Ennill profiad o gefnogi a darparu gwasanaethau o fewn Bwrdd Iechyd Prifysgol mawr. 

Mynediad at ein gwasanaethau cymorth staff, fel ein Gwasanaeth Lles Gweithwyr. 

Cyfleoedd amrywiol i adeiladu ar eich gwybodaeth a’ch set sgiliau cyfredol. 

Os ydych yn rhannu ein gwerthoedd ac yn dymuno ymuno â ni fel nyrs banc byddem wrth ein bodd yn clywed gennych! 

Gweithio i'n sefydliad

Bwrdd Iechyd Prifysgol Caerdydd a’r Fro yw un o’r Byrddau Iechyd Integredig mwyaf yn y DU, yn cyflogi dros 15,000 o staff ac yn darparu dros 100 o wasanaethau arbenigol. Mae gennym amrywiaeth o yrfaoedd i’w cynnig ar draws 6 safle ysbyty. Gan wasanaethu tua 500,000 o bobl sy’n byw yng Nghaerdydd a’r Fro, ein ffocws yw anghenion iechyd a gofal ein poblogaeth leol a gwaith partneriaeth i ddatblygu gwasanaethau rhanbarthol.

Ein cenhadaeth yw “Gofalu am Bobl, Cadw Pobl yn Iach”, a’n gweledigaeth yw y dylai siawns pob unigolyn o fyw bywyd iach fod yn gyfartal. Fel sefydliad rydym yn ddiedifar uchelgeisiol dros iechyd ein poblogaeth, gan ymateb i heriau heddiw ac yfory drwy ein strategaeth 10 mlynedd, Llunio ein Llesiant i’r Dyfodol. Rydym yn cyfrannu at Gymru iachach, gyda phwyslais mawr ar arloesi a gwella, gan ddysgu oddi wrth eraill ledled y byd ac arwain y ffordd mewn ymchwil glinigol. Mae gwaith partneriaeth yn gadarn yng Nghaerdydd a’r Fro, ac rydym yn gweithio’n agos gyda’n staff a’n cymuned.

Mae Caerdydd, prifddinas ffyniannus Cymru, yn ddinas wych i fyw a gweithio ynddi sy’n cynnig llwyth o atyniadau chwaraeon, celfyddydau a diwylliannol. Wedi’i leoli i’r gorllewin o Gaerdydd, mae Bro Morgannwg yn cynnig cyfuniad o gefn gwlad hardd Cymru ac arfordir naturiol dramatig. P’un ai’n fywyd dinesig neu’n fywyd gwledig, mae Caerdydd a’r Fro yn cynnig y gorau o’r ddau fyd.