Trosolwg o'r swydd

MAE'R SWYDD HON YN SECONDIAD AM 12 MIS DROS GYFLOG MAMOLAETH 

Bydd deiliad y swydd yn gweithio mewn partneriaeth ag arweinwyr addysg, hyfforddiant a datblygu o fewn y gweithlu a chyflogwyr fferyllfa i sicrhau cysondeb, safoni a sicrwydd ansawdd rhaglenni hyfforddi fferyllwyr sylfaen ledled Cymru. Byddant yn gyfrifol am ddatblygu a chyflwyno addysg a hyfforddiant aml-broffesiynol a rhyngbroffesiynol yn rhanbarthol ac integreiddio Iechyd a Gofal Cymdeithasol o fewn gwasanaethau'r GIG.

Os ydych chi'n chwilio am her newydd gyffrous i weithio o fewn sefydliad sydd wedi ymrwymo i arloesi, gwella ac addysg a hyfforddiant o ansawdd uchel, yna gallai'r swydd hon fod ar eich cyfer chi.

Maer'r swydd hon am gyfnod penodol / secondiad am 12 mis oherwydd cyfnod mamoleath.  Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Prif ddyletswyddau'r swydd

Bod yn gyfrifol am arwain y gwaith o oruchwylio hyfforddiant fferylliaeth sylfaen ar gyfer rhanbarth neu nifer dynodedig o hyfforddeion yng Nghymru. Darparu cefnogaeth addysgol a phroffesiynol i hyfforddeion, goruchwylwyr a rhanddeiliaid perthnasol eraill drwy gydol y flwyddyn hyfforddi.

Bod yn gyfrifol am ddylunio, datblygu, adolygu a gweithredu'n rhanbarthol rhaglen hyfforddi fferyllwyr sylfaen Addysg a Gwella Iechyd ar y safle ac oddi ar y safle, gan alluogi hyfforddeion i weithio tuag at ganlyniadau dysgu hyfforddiant sylfaen.

Cefnogi a gweithredu prosesau rheoli ansawdd Addysg a Gwella Iechyd drwy gydol y flwyddyn hyfforddi, gan sicrhau bod arfer yn glynu wrth gytundeb achredu rhaglen Addysg a Gwella Iechyd gyda'r rheoleiddiwr. 

Ymgysylltu â rhanddeiliaid lleol a chenedlaethol fel rhan o'r cylchoedd recriwtio blynyddol ar gyfer fferyllwyr hyfforddeion sylfaen, gan ddefnyddio gwybodaeth leol a chenedlaethol i arwain ar drafod a sicrhau lleoliadau ar gyfer rhanbarth neu nifer dynodedig o hyfforddeion i gyfrannu at biblinell gweithlu'r fferyllwyr hyfforddeion a'r cofrestryddion.

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.