Trosolwg o'r swydd

Prif Reolwr Cyllid: Cyfrifyddu Ariannol, Cyfalaf, Cynllunio ac Ansawdd

Ydych chi’n gyfrifydd cymwys uchelgeisiol sy’n awyddus i ddatblygu eich gyrfa yn GIG Cymru?. Mae cyfle cyffrous wedi codi i ymuno â Thîm Cyllid PCGC fel Prif Reolwr Cyllid.  Bydd y swydd, a fydd yn rhoi ystod eang o brofiadau i chi ym maes rheolaeth ariannol ar draws PCGC, wedi’i lleoli yn ein pencadlys yn Nantgarw, Caerdydd.  Mae'r rôl yn gofyn am unigolyn ymroddedig, gweithgar sydd â phrofiad ariannol a llygad da am fanylion sy'n gweithio'n dda fel rhan o dîm ac sy'n gallu gweithio i derfynau amser llym. 

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Rôl allweddol i reoli swyddogaethau cyfrifyddu ariannol a chyfalaf Partneriaeth Cydwasanaethau GIG Cymru (PCGC) ac i ymgymryd â'r rôl gyswllt o fewn y meysydd hyn gyda thîm cyllid Ymddiriedolaeth GIG Prifysgol Felindre sy’n ein lletya, gan gynnwys cyfrifoldeb am TAW, cynnal uniondeb y gofrestr asedau sefydlog, sicrhau bod ychwanegiadau, gwarediadau a dilysiadau asedau yn cael eu gwneud yn gywir.

Rôl arweiniol wrth sicrhau bod Terfyn Gwariant Cyfalaf (CEL) PCGC yn cael ei gyflawni, gan ddarparu gwybodaeth ariannol gywir, brydlon a dibynadwy i'r Uwch Dîm Cyllid, Cyfarwyddwyr Gwasanaeth a Llywodraeth Cymru ynghylch gwariant cyfalaf gan gynnwys IFRS16 a chymryd yr awenau yng ngwaith monitro ariannol cyffredinol y Rhaglen Gyfalaf a gymeradwywyd gan yr Uwch Grŵp Arwain.

Cyflawni rôl cynllunio ariannol allweddol wrth gynhyrchu Cynllun Tymor Canolig Integredig (IMTP) ledled PCGC.

Cyfrifoldeb allweddol am gydlynu a monitro Cynllun Tymor Canolig Integredig y tîm cyllid a chynllunio argyfwng ehangach ar gyfer yr adran.

Cyfrifoldeb allweddol am ansawdd ar draws y tîm cyllid.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.