Trosolwg o'r swydd

Mae cyfle wedi codi i weithio am 6 mis fel Cyfarwyddwr Gweithredol Dros Dro Pobl a Datblygu Sefydliadol, i weithio gyda'r Prif Swyddog Gweithredol a Bwrdd yr Ymddiriedolaeth.

Rydym yn chwilio am arweinydd eithriadol sydd yn gallu gweithio ar draws portffolio eang a chefnogi'r sefydliad trwy gyfnod o gyfleoedd a newid ar draws ei wasanaethau.

Sefydlwyd Ymddiriedolaeth GIG Prifysgol Felindre ym 1994, ac mae'n un o 12 sefydliad iechyd statudol yng Nghymru. Rydym yn cyflogi tua 7,500 o staff, ac mae gennym drosiant blynyddol o £1.1 Biliwn. Prif bwrpas yr Ymddiriedolaeth ydy darparu gwasanaethau gwaed a chanser arbenigol i bobl Cymru. Rydym hefyd yn darparu nifer o wasanaethau eraill ar ran y GIG yng Nghymru (ar sail lletya), gan gynnwys Partneriaeth Cydwasanaethau GIG Cymru, Technoleg Iechyd Cymru a Therapïau Datblygedig Cymru.

Mae hwn yn sefydliad sy'n seiliedig ar werthoedd, ac yn rhoi pwyslais ar gefnogi a datblygu ei weithlu yn yr hinsawdd bresennol o newid diwylliannol a thrawsnewid gwasanaethau.

Fel Cyfarwyddwr Gweithredol Pobl a Datblygu Sefydliadol, byddwch yn uwch arweinydd y gweithlu, gyda phrofiad sylweddol o weithio ym meysydd newid ac arweinyddiaeth ddiwylliannol.

Ar gyfer y swydd dros dro chwe mis hon, byddwn yn ystyried pobl ar sail secondiad neu ar sail contract tymor penodol.  Byddai trefniadau llawn amser neu ran-amser yn cael eu hystyried, gyda rhai elfennau o weithio o bell yn bosibl.

Prif ddyletswyddau'r swydd

Bydd y Cyfarwyddwr Gweithredol Pobl a Datblygu Sefydliadol yn gyfrifol am ddatblygu, dylunio a rheoli'r gweithlu, yn ogystal â datblygiad sefydliadol yr Ymddiriedolaeth.  Bydd yn gyfrifol am arweinyddiaeth a gwaith proffesiynol mewn perthynas â chyfrifoldebau'r Bwrdd fel cyflogwr i'r holl staff.

Fel aelod Gweithredol o’r Bwrdd, bydd gan y Cyfarwyddwr Gweithredol Pobl a Datblygu Sefydliadol gyfrifoldeb corfforaethol ar y cyd ag aelodau eraill o’r Bwrdd am y cyfeiriad strategol, llunio polisïau corfforaethol a datblygu a chyflawni amcanion yr Ymddiriedolaeth.

Bydd y Cyfarwyddwr Gweithredol yn rhoi cyngor strategol ar ddatblygu sefydliadol a'r gweithlu i'r Bwrdd a bydd hefyd yn atebol yn statudol am bob mater gweithlu sy'n ymwneud â'r sefydliadau a letyir gan yr Ymddiriedolaeth. 

Maer'r swydd hon am gyfnod penodol / secondiad am  6 mis  i diwally anghenion y gwasanaeth,  Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth  drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.

Ewch i'n gwefan i gael rhagor o wybodaeth: https://velindre.nhs.wales/