Trosolwg o'r swydd

Rydym yn cynnig cyfle cyffrous i fand 5 Radiograffwyr Therapiwtig ymuno â'n tîm mewn adran radiotherapi blaengar yng Ngwasanaeth Canser Felindre.

Mae Gwasanaeth Canser Felindre yn cynnwys dwy adran radiotherapi, un yng Nghaerdydd ac un yn Y Fenni.

Rydym yn chwilio am Radiograffydd Therapiwtig brwdfrydig ac arloesol sy'n dymuno ehangu eu gwybodaeth a'u profiad mewn Canolfan Ganser sydd wedi’i hadeiladu’n bwrpasol, gan ddarparu gofal canser o'r radd flaenaf i bobl de-ddwyrain Cymru.

Bydd cyfweliadau'n cael eu cynnal wyneb yn wyneb yn unig.

Bydd sylfaen Gwasanaeth Canser Felindre, Caerdydd neu Uned Radiotherapi Velindre @ Nevill Hall Y Fenni-  i'w ofyn amdano yn y cyfweliad.

Maer'r swydd hon am gyfnod penodol / secondiad  am 18 mis. Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

SYLWCH Bydd angen i ymgeiswyr gael caniatâd eu rheolwr llinell cyn cyflwyno eu diddordeb.  Gallwch lawrlwytho ffurflen ryddhau i'w chynnwys gyda'ch ffurflen gais yma. (Bydd angen i’r aelod o staff a’r rheolwr llinell gwblhau’r ffurflen hon a’i dychwelyd atoch)

Prif ddyletswyddau'r swydd

Gweithio ym mhob rhan o'r adran radiotherapi h.y. ar unedau triniaeth (cyflymyddion llinellol, Orthofoltage, a Flexitron), ac yn yr ardal cyn triniaeth, a chyflawni technegau cyn-triniaeth a thriniaeth cywir a chyson. 
 
Helpu i drefnu'r llwyth gwaith yn swyddogaethau amrywiol yr adran. 
 
Bod yn rhan o dîm amlddisgyblaethol mawr, a bod yn rhan o’r gwaith o ddarparu gofal i gleifion sy'n cael radiotherapi. 
 
Cymryd rhan yn y gwaith o hyfforddi a goruchwylio myfyrwyr. 
 
Gweithio'n hyblyg yn unol â gofynion y gwasanaeth, gan gynnwys ar benwythnosau ac ar draws mwy 
nag un safle. 
 
Cymryd rhan mewn triniaeth CHART, a gweithio ar alwad yn ôl y gofyn. 

Mae’r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg wneud cais.

Gweithio i'n sefydliad

Yn Ymddiriedolaeth Prifysgol Felindre, rydym yn falch o ddarparu gwasanaethau arbenigol ledled Cymru drwy Ganolfan Ganser Felindre a Gwasanaeth Gwaed Cymru, gyda chefnogaeth ein timau corfforaethol a'n partneriaethau â Phartneriaeth Cydwasanaethau GIG Cymru ac Iechyd  Technoleg Cymru.

Wrth edrych tua’r dyfodol, rydym yn paratoi ar gyfer agor Ganolfan Ganser Felindre newydd (nVCC) yng Ngwanwyn 2027—carreg filltir gyffrous a fydd yn trawsnewid gofal canser i’n poblogaeth. Wedi’i lleoli o fewn cyrraedd hawdd i ddinas fywiog Caerdydd a harddwch trawiadol Bannau Brycheiniog, rydym yn cynnig amgylchedd gwaith unigryw sy’n cyfuno arloesedd, cydweithio ac ansawdd bywyd rhagorol.

Ers ein sefydlu ym 1994, mae ein gweithlu ymroddedig wedi parhau’n ffyddlon i gyflawni egwyddorion gofal doeth ar draws ystod eang o rolau. Rydym yn parhau i chwarae rhan hanfodol yn ein cymunedau ac mae gennym gynlluniau uchelgeisiol i wella’r gwasanaethau a ddarparwn ymhellach.

Mae popeth rydym yn ei wneud wedi’i seilio ar werthoedd ein Hymddiriedolaeth. Rydym yn ofalgar, yn barchus ac yn atebol yn y ffordd rydym yn gweithio gyda chleifion, rhoddwyr, partneriaid a’n gilydd—gan sicrhau ein bod yn darparu’r safonau uchaf o ofal wrth ymdrechu’n barhaus i wella.

Os ydych am weithio i sefydliad sy’n gwneud gwahaniaeth gwirioneddol, sy’n croesawu arloesedd ac sy’n cynnig cyfleoedd gyrfa gwerth chweil mewn lleoliad ysbrydoledig, Ymddiriedolaeth GIG Prifysgol Felindre yw’r lle i chi.