Trosolwg o'r swydd

Mae cyfle wedi codi i Swyddog Busnes Caffael ymuno â thîm Caffael rheng flaen PCGC Aneurin Bevan sydd wedi'i leoli yn Nhŷ Gwent, Lake View, Llantarnam yng Nghwmbrân. Dyma gyfle gwych i ddatblygu eich gyrfa gaffael mewn amgylchedd deinamig, heriol a phroffil uchel yn genedlaethol. 

Fel gwasanaeth caffael sefydledig yn GIG Cymru, rydym wedi cynorthwyo’r Byrddau Iechyd a’r Ymddiriedolaethau i ddarparu gwasanaethau sy’n canolbwyntio ar gleifion ers 7 blynedd a rhagor fel rhan o Gydwasanaethau GIG Cymru. Rydym yn wasanaeth sydd wedi ennill gwobrau, ac rydym yn canolbwyntio ar werth am arian, diogelwch, rhagoriaeth, arloesedd ac ansawdd.

Prif ddyletswyddau'r swydd

Bydd deiliad (deiliaid) y swydd yn cefnogi’r Rheolwr Busnes Caffael i ddarparu gwasanaeth caffael proffesiynol i’r Ymddiriedolaeth / Bwrdd Iechyd ac yn cyfrannu at ddatblygu a chyflawni cynllun Busnes PCGC. Bydd deiliad y swydd yn cefnogi’r Rheolwr Busnes Caffael ar brosesau caffael ac ar brosiectau allweddol.

Bydd deiliad y swydd yn sicrhau bod y gwasanaeth yn sensitif, yn ymatebol ac yn hyblyg i anghenion newidiol y defnyddwyr, ac yn cydbwyso hyn yn erbyn yr angen i barhau i fod yn gost effeithiol. Y brif dasg fydd darparu ffocws proffesiynol cryf ac effeithiol a fydd yn arwain at gyrraedd targedau Cenedlaethol, targedau PCGC a thargedau lleol y cytunir arnynt, ynghyd ag arbedion effeithlonrwydd a mentrau gwerth ychwanegol.

Cyflwyno PCGC fel busnes blaengar, rhagweithiol, ymatebol ac arloesol er mwyn cynhyrchu a sbarduno nifer y contractau a gyd-drafodir. Bydd yn gweithio’n agos gyda sefydliadau partneriaeth i ddylanwadu ar ddewis, blaenoriaethu newid a sicrhau arbedion, gwella prosesau a safoni cynhyrchion, a fydd yn gostwng costau a gwella ansawdd a gwasanaethau. Gweithio’n agos gyda chydweithwyr ar draws y swyddogaeth Gaffael a sefydliadau Partner i hyrwyddo dulliau ar y cyd o ddatrys materion yn ymwneud â’r gwasanaeth.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.