Trosolwg o'r swydd

Mae cyfle cyffrous wedi codi o fewn adran gaffael Partneriaeth Cydwasanaethau GIG Cymru yn Storfeydd Rhanbarthol Dinbych, Gogledd Cymru. 

Bydd yr ymgeisydd llwyddiannus yn rhan o dîm sy'n darparu defnyddiau traul meddygol ac anfeddygol i Fwrdd Iechyd Prifysgol Betsi Cadwaladr, Bwrdd Iechyd Lleol Addysgu Powys ac Ymddiriedolaeth GIG Gwasanaethau Ambiwlans Cymru (Gogledd). Bydd hyn yn cynnwys dethol a phacio eitemau yn barod i'w hanfon i safleoedd, yn dilyn archebion a gynhyrchir gan staff yr ysbyty.  

Prif ddyletswyddau'r swydd

Mae swydd wag wedi codi ar gyfer Gweithredwr Cadwyn Gyflenwi llawn amser, yn Storfeydd Rhanbarthol Dinbych. Bydd y patrwm sifft naill ai rhwng 6am a 2pm neu 8am a 4pm (dydd Llun i ddydd Gwener) i'w gytuno ar adeg penodi. 

Bydd yr ymgeisydd llwyddiannus yn gweithio fel aelod o dîm sy'n derbyn ac yn paratoi archebion yn barod i'w dosbarthu i safleoedd ysbytai. Dylai ymgeiswyr feddu ar brofiad blaenorol o weithio mewn storfeydd. Dylent fod yn ddiwyd ac yn gallu canolbwyntio ar y cwsmer a deall pwysigrwydd darparu gwasanaeth o ansawdd uchel.

Bydd gweddill y rôl yn gweithio yn y prif Warws lle mae archebion yn cael eu paratoi a'u pacio i'w dosbarthu. 

Gweithio i'n sefydliad

Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl.

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.