Trosolwg o'r swydd

Bydd yr Uwch Gyfrifydd Ariannol yn swydd allweddol yn cefnogi Pennaeth Cyfrifon Ariannol i ddarparu gwasanaethau ariannol o ansawdd uchel ar draws AaGIC. Mae'r swydd yn rhan o'r tîm Cyfrifon Ariannol o fewn y Gyfarwyddiaeth Cyllid, Cynllunio, Perfformiad a Rhaglenni Cenedlaethol.

Mae'r rôl hon yn darparu'r swyddogaethau cyfrifyddu statudol craidd ac yn rheoli systemau a phrosesau ariannol allweddol ar gyfer y sefydliad. Mae'n cynnwys cyfrifoldebau sy'n ymwneud â gweithdrefnau a pholisïau rheoli ariannol, gofynion llywodraethu a deddfwriaethol, trafodion ariannol, systemau ac adrodd statudol allanol. Bydd y rôl hon yn gofyn am sgiliau cyfathrebu rhagorol, yn ysgrifenedig ac ar lafar. Bydd angen i ddeiliad y swydd ddangos lefel uchel o wybodaeth gyfrifyddu dechnegol a sgiliau hyfforddi a dylanwadu effeithiol. 

Am fwy o wybodaeth, cysylltwch gyda: 

Martyn Pennell
Pennaeth Cyfrifon Ariannol
E-bost: [email protected]

Prif ddyletswyddau'r swydd

Gan weithio o fewn sefydliad GIG gwerth £370 miliwn, mae elfennau allweddol y swydd yn cynnwys arwain ar baratoi cyfrifon diwedd y flwyddyn a chefnogi papurau gwaith, cynhyrchu datganiad misol cywir o'r sefyllfa ariannol, cynhyrchu rhagolygon llif arian, cefnogi'r gweithdrefnau diwedd mis i gau'r systemau ariannol ac arwain ar y prosesau cymodi diwedd mis.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?