Trosolwg o'r swydd

Ydych chi'n chwilio am her newydd?

Mae hwn yn gyfle cyffrous i chwarae rhan allweddol wrth lunio dyfodol addysg a hyfforddiant meddygol yng Nghymru.

Mae Addysg a Gwella Iechyd Cymru (AaGIC) yn chwilio am Ddadansoddwr Ymchwil (Deoniaeth Feddygol) i arwain ar gyflawni ymchwil a dadansoddi o ansawdd uchel sy’n sail i sicrhau ansawdd strategol a chynllunio ar gyfer GIG Cymru

Fel aelod allweddol o dîm y Ddeoniaeth Feddygol, byddwch yn:

- Cynnal ymchwil cynradd ac eilaidd i gefnogi gwneud penderfyniadau ar sail tystiolaeth.

- Darparu dadansoddiad arbenigol ac adroddiadau ar ddata addysg a hyfforddiant.

- Cydweithio â rhanddeiliaid ar draws GIG Cymru i wella ansawdd hyfforddiant.

- Cynnig cyngor arbenigol ar fethodoleg ymchwil a chasglu tystiolaeth.

Rydym yn chwilio am weithiwr ymchwil proffesiynol profiadol gyda sgiliau dadansoddi cryf, arbenigedd mewn casglu data, a'r gallu i drosi ymchwil gymhleth yn fewnwelediadau ystyrlon. Os oes gennych chi angerdd dros wella addysg a hyfforddiant mewn gofal iechyd, mae'r rôl hon yn cynnig cyfle gwych i gael effaith wirioneddol.

Prif ddyletswyddau'r swydd

Bydd deiliad y swydd yn arwain ar gyflwyno prosiectau ymchwil sylfaenol i greu tystiolaeth newydd i danategu sicrwydd ansawdd a chynllunio ansawdd ar gyfer addysg a hyfforddiant, a chynhyrchu adroddiadau o ansawdd uchel yn seiliedig ar dystiolaeth ar gyfer y Ddeoniaeth Feddygol. Bydd deiliad y swydd hefyd yn cynnal ymchwil eilaidd i waith ymchwil cyhoeddedig presennol a dadansoddiad o ystod eang o setiau data cyhoeddedig sy’n ymwneud ag addysg a hyfforddiant y GIG a fydd yn sail i weithgarwch sicrhau ansawdd a chynllunio ansawdd strategol ar gyfer gweithlu GIG Cymru, gan weithio’n agos ac ar y cyd â’r Uned Ansawdd, uwch reolwyr, Swyddogion Gweithredol a rhanddeiliaid eraill o bob rhan o GIG Cymru, gan eu galluogi i gefnogi, darparu a rheoli addysg a hyfforddiant yn effeithiol yn unol â’r Ddyletswydd Ansawdd a Fframwaith Ansawdd AaGIC ac mewn ffyrdd sy’n seiliedig ar dystiolaeth ac yn seiliedig ar arfer gorau.

Bydd deiliad y swydd yn darparu cyngor tra arbenigol i Grŵp Llywodraethu Ymchwil AaGIC, clinigwyr a rheolwyr ar draws AaGIC a sefydliadau GIG Cymru o ran nodi ymchwil addysg a hyfforddiant priodol, dulliau o wneud yr ymchwil hwnnw, arwain y gwaith o asesu, cynllunio a gwerthuso anghenion tystiolaeth rhanddeiliaid penodol a bydd yn ofynnol iddo gynnal perthnasoedd adeiladol ag ystod eang o randdeiliaid mewnol, allanol a chenedlaethol.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?