Trosolwg o'r swydd

Ydych chi eisiau gwneud gwahaniaeth go iawn a chael gyrfa wirioneddol werth chweil?  Ymunwch â Phencadlys Partneriaeth Cydwasanaethau GIG Cymru a byddwch yn rhan o dîm lle rydym yn cydweithio, yn gwrando ac yn dysgu, yn annog gweithio mewn tîm ac yn gwerthfawrogi arloesedd. Rydym yn chwilio am ymgeisydd brwdfrydig, ymroddedig, profiadol a chyfeillgar i ymuno â'n tîm derbynfa i'n cefnogi i sicrhau bod y Pencadlys yn gweithredu'n effeithiol. Unigolyn sy’n helpu i gynnal profiad o ansawdd uchel i'r ymwelwyr, ac sy’n ein galluogi i gofnodi'r gweithgarwch a'r gwerth ychwanegol y mae'r dderbynfa yn ei gynnig i'w holl ddefnyddwyr.   

 Fel derbynnydd, bydd deiliad y swydd yn gyfrifol am redeg derbynfa brysur gan ddelio â staff, ymwelwyr a chontractwyr, y switsfwrdd a danfoniadau gan gyflenwyr.

Prif ddyletswyddau'r swydd

Bydd deiliad y swydd yn darparu gwasanaeth ysgrifenyddol/gweinyddol ar gyfer Pencadlys PCGC gan weithio'n agos gydag aelodau'r tîm i sicrhau bod cefnogaeth fusnes gadarn o fewn y Tîm, a fydd yn cynnwys grwpiau staff eraill yn ôl yr angen.  

Byddwch yn rhoi cymorth ym mhob agwedd ar brosesau ysgrifenyddol, gweinyddol a threfniadol. Yn ogystal, bydd deiliad y swydd yn darparu cytundeb trawsgyflenwi o bell gydag ysgrifenyddion mewn Rhanbarthau eraill ledled Cymru, gan gyflenwi pan fo angen.

Mae hon yn rôl gefnogol allweddol, a bydd angen sgiliau cyfathrebu, cynllunio a threfnu da ar yr ymgeisydd llwyddiannus.  Yn ogystal â hyn, mae angen i’r ymgeisydd fod â phrofiad o weithio mewn amgylchedd swyddfa ynghyd â llythrennedd cyfrifiadurol ar systemau Microsoft Office, gan gynnwys Outlook, Word ac Excel.   

Mae'r gofynion iaith Gymraeg ar gyfer y swydd hon yn hanfodol.

Rhaid i’r ymgeisydd allu dilyn polisïau a gweithdrefnau a deall pwysigrwydd y Ddeddf Diogelu Data a chyfrinachedd.

Swydd rhan-amser barhaol yw hon (37.5 awr/wythnos). Bydd angen i ddeiliad y swydd weithio oriau swyddfa o ddydd Llun i ddydd Gwener rhwng 08:00 a 16:00. 

Os ydych chi'n unigolyn brwdfrydig iawn, yn broffesiynol ac mae gennych brofiad o weithio mewn derbynfa, a delio â gweithdrefnau cyhoeddus a gweinyddol, yna rydym yn awyddus i glywed gennych chi.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.