Trosolwg o'r swydd

Datblygwr Adnoddau Addysgol Fferylliaeth ac Arweinydd Arloesi a Thechnolegau  

Secondiad tan 30 Medi 2026

Mae cyfle secondiad cyffrous ar gael i weithiwr proffesiynol Fferyllfa cofrestredig sydd â phrofiad addas yn Addysg a Gwella Iechyd Cymru (AaGIC).

Bydd y swydd newydd ei chreu, Datblygwr Adnoddau Addysgol Fferyllol ac Arweinydd Arloesi a Thechnolegau, yn darparu cefnogaeth gynllunio weithredol a strategol i Bennaeth Datblygu Rhaglenni wrth lunio rhaglen adnoddau addysgol Addysg a Gwella Iechyd Cymru i gefnogi'r tîm fferyllol gyda ffocws ar ddefnyddio technolegau arloesol a newydd ar gyfer cyflawni.

Maer'r swydd hon am gyfnod penodol / secondiad tan 30 Medi 2026 oherwydd cyflenwi ar gyfer absenoldeb .  Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Prif ddyletswyddau'r swydd

·       Arwain ac adeiladu rhwydwaith o randdeiliaid lleol i ymgynghori â nhw ynghylch anghenion dysgu penodol y gweithlu o fewn y tîm fferylliaeth

Rhwydweithio a chyfathrebu ag ystod eang o randdeiliaid o fewn y proffesiwn fferylliaeth a'r GIG ehangach ar lefel strategol a gweithredol i gasglu gwybodaeth gymhleth ar feysydd ymarfer clinigol a phroffesiynol i lywio gwaith datblygu gofal eilaidd

Arwain ar y gwaith o weithredu blaenoriaethau cyflwyno technoleg newydd ar gyfer ymarfer fferylliaeth glinigol gan weithio'n annibynnol gyda'r holl randdeiliaid allweddol er budd gwelliant gwasanaeth wrth ddarparu gofal i gleifion

Recriwtio a chydweithio ag arbenigwyr clinigol i gytuno a dylunio cynnwys gofynnol ar gyfer adnoddau addysgol lle gall pynciau fod yn gymhleth iawn eu natur, gan gynnwys sgiliau hynod sensitif a dadleuol

Mae’r gallu i siarad Cymraeg yn ddelfrydol ar gyfer y swydd hon;  mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Addysg a Gwella Iechyd Cymru (AaGIC) yw'r corff gweithlu strategol ar gyfer GIG Cymru sydd â swyddogaethau statudol sy'n cynnwys addysg a hyfforddiant, cynllunio'r gweithlu, datblygu a thrawsnewid y gweithlu, arweinyddiaeth a chynllunio olyniaeth, a gyrfaoedd.  Ein diben yw datblygu gweithlu sy'n darparu gofal rhagorol i gleifion/defnyddwyr gwasanaethau ac iechyd rhagorol yn y boblogaeth. Rydym yn Awdurdod Iechyd Arbennig sy'n gweithio'n agos gyda'n partneriaid; Gofal Cymdeithasol Cymru, darparwyr addysg, cyrff proffesiynol a rheoleiddiol a Llywodraeth Cymru.

Mae AaGIC wedi ymrwymo i ddatblygu diwylliant mewnol o ddewis. Mae ein Gwerthoedd yn adlewyrchu ein meddyliau, ein teimladau a'n credoau o ran sut y byddwn, ac na fyddwn, yn ymddwyn ac yn trin eraill:

- Parch i Bawb ym mhob cyswllt sydd gennym ag eraill,

- Syniadau sy'n Gwella: Harneisio creadigrwydd ac arloesi, gwerthuso a gwella'n barhaus,

- Gyda'n Gilydd fel Tîm

Derbyniodd AaGIC Wobr HPMA ar gyfer Ymgysylltu â Gweithwyr yn 2019.

Yr hyn y gallwch ei ddisgwyl:

- cyfnod ymsefydlu corfforaethol ag amserlen Croeso 90 diwrnod,

- arweinyddiaeth dosturiol,

- proses arfarnu perfformiad ystyrlon sy'n seiliedig ar werthoedd,

- y cyfle i effeithio ar wasanaethau iechyd a gofal cymdeithasol a bywydau a lles pobl Cymru.

Mae llawer o'n cydweithwyr a'n rhanddeiliaid wedi gwneud sylwadau ar y cyffro a'r awyrgylch a olygwn drwy gydweithio fel "Un Tîm AaGIC". Ydych chi am ymuno â'r tîm hwnnw?