Trosolwg o'r swydd

Mae'r Cydlynydd Cynllunio a Pharhad Busnes yn chwarae rhan hanfodol wrth sicrhau gwydnwch sefydliadol a chynllunio strategol. Mae'n 
sicrhau bod y sefydliad yn barod i ymateb yn effeithiol i aflonyddwch, gan ddiogelu pobl, asedau a gweithrediadau ac yn darparu capasiti 
gweinyddol i amrywiaeth o weithgareddau cynllunio a thrawsnewidiol y Timau Cynllunio, Perfformiad a Gwybodeg.

Prif ddyletswyddau'r swydd

• Cefnogi'r Tîm Cynllunio, Perfformiad a Gwybodeg (PPI) sy'n cynnwys Parodrwydd am Argyfwng, Ymateb ac Adferiad, y Tîm Cynllunio, 
  Perfformiad a Gwybodeg a'r Swyddfa Rheoli Trawsnewidiol wrth ddarparu gwasanaeth proffesiynol, o ansawdd uchel ac ymatebol i staff a phartneriaid Partneriaeth Cydwasanaethau GIG Cymru ledled Cymru.
• I gydlynu a chefnogi cyfarfodydd, rhaglenni dysgu a datblygu, gweithdai ymwybyddiaeth staff ac unrhyw ddigwyddiadau eraill dan 
  arweiniad y tîm PPI, a defnyddio menter a phrofiad perthnasol a chynnal cyfrinachedd bob amser.
• Cefnogi'r tîm i gyd-gyflawni cynlluniau a phrosiectau gyda rhanddeiliaid a phartneriaid mewnol ac allanol.
• Mewnbynnu data a thynnu adroddiadau o amrywiaeth o systemau digidol er mwyn galluogi adrodd effeithlon ar berfformiad yr Is-adran 
  a'r Sefydliad.
• Goruchwylio a chynnal y gwahanol sianeli cyfathrebu o fewn y tîm, gan gynnwys y safle mewnrwyd SharePoint a chylchlythyrau mewnol.

Gweithio i'n sefydliad

Ym Mhartneriaeth Cydwasanaethau GIG Cymru (PCGC) rydym yn disgwyl i bawb arddel ein gwerthoedd sef: Gwrando a Dysgu, Cydweithio, Cymryd Cyfrifoldeb ac Arloesi.

Mae ein sefydliad yn annog dull gweithio ystwyth ac rydym yn ymfalchïo mewn bod yn sefydliad sy'n dysgu ac sy’n cael ei ysgogi gan welliant parhaus.

Rydym wedi ymrwymo i greu gweithle cynhwysol sy’n gwerthfawrogi cydraddoldeb, amrywiaeth a chynhwysiant, gan ganolbwyntio ar lesiant a pherthyn i’n pobl. 

Mae gwasanaeth cwsmeriaid rhagorol yn rhywbeth yr ydym yn ymgyrraedd ato, ar gyfer ein cwsmeriaid mewnol ac allanol.

Rydym yn cynnig pecyn buddion cynhwysfawr, gyda rhywbeth i bawb.  I gael gwybod mwy am weithio i ni, y buddion rydym yn eu cynnig a chanllawiau ar y broses ymgeisio ewch i https://pcgc.gig.cymru/gweithio-i-ni/

Mae PCGC yn gweithio mewn ffordd ystwyth lle bo modd. Bydd gan bob swydd ganolfan weithio gontractiol, ond fel rhan o ffyrdd ystwyth o weithio gallai hynny olygu gweithio gartref ac mewn lleoliadau eraill. Rydym hefyd yn edrych ar sut rydym yn cydbwyso hyblygrwydd gyda chymuned, a sut i reoli cyfleoedd i ddysgu oddi wrth ein gilydd.